અષ્ટાવક્ર ગીતા · અધ્યાય 4

હન્તાત્મજ્ઞસ્ય ધીરસ્ય ખેલતો ભોગલીલયા
ન હિ સંસારવાહીકૈર્ મૂડૈઃ સહ સમાનતા ॥

યત્ પદં પ્રેપ્સવો દીનાઃ શક્રાદ્યાઃ સર્વદેવતાઃ
અહો તત્ર સ્થિતો યોગી ન હર્ષમ્ ઉપગચ્છતિ ॥

તજ્જ્ઞસ્ય પુણ્યપાપાભ્યાં સ્પર્શો હ્ય્ અન્તર્ ન જાયતે
ન હ્ય્ આકાશસ્ય ધૂમેન દૃશ્યમાનાપિ સઙ્ગતિ ॥

આત્મૈવેદં જગત્ સર્વં જ્ઞાતં યેન મહાત્મના
યદૃચ્છયા વર્ત્તમાનં તં નિષેદ્ધું ક્ષમેત કઃ ॥

આબ્રહ્મસ્તમ્બપર્યન્તે ભૂતગ્રામે ચતુર્વિધે
વિજ્ઞસ્યૈવ હિ સામર્થ્યમ્ ઇચ્છાનિચ્છાવિવર્જને ॥

આત્માનમ્ અદ્વયં કશ્ચિજ્ જાનાતિ જગદ્ ઈશ્વરં
યદ્ વેત્તિ તત્ સ કુરુતે ન ભયં તસ્ય કુત્રચિત્ ॥