અષ્ટાવક્ર ગીતા · અધ્યાય 5

ન તે સઙ્ગો ઽસ્તિ કેનાપિ કિં શુદ્ધસ્ ત્યક્તુમ્ ઇચ્છસિ
સઙ્ઘાતવિલયં કુર્વન્ન્ એવમ્ એવ લયં વ્રજ ॥

ઉદેતિ ભવતો વિશ્વં વારિધેર્ ઇવ બુદ્બુદઃ
ઇતિ જ્ઞત્વૈકમ્ આત્માનમ્ એવમ્ એવ લયં વ્રજ ॥

પ્રત્યક્ષમ્ અપ્ય્ અવસ્તુત્વાદ્ વિશ્વં નાસ્ત્ય્ અમલે ત્વયિ
રજ્જુસર્પ ઇવ વ્યક્તમ્ એવમ્ એવ લયં વ્રજ ॥

સમદુઃખસુખઃ પૂર્ણ આશાનૈરાશ્યયોઃ સમઃ
સમજીવિતમૃત્યુઃ સન્ન્ એવમ્ એવ લયં વ્રજ ॥