અષ્ટાવક્ર ગીતા · અધ્યાય 19

તત્ત્વવિજ્ઞાનસન્દંશમ્ આદાય હૃદયોદરાત્
નાનાવિધપરામર્શ શલ્યોદ્ધારઃ કૃતો મયા ॥

ક્વ ધર્મઃ ક્વ ચ વા કામઃ ક્વ ચાર્થઃ ક્વ વિવેકિતા
ક્વ દ્વૈતં ક્વ ચ વાદ્વૈતં સ્વમહિમ્નિ સ્થિતસ્ય મે ॥

ક્વ ભૂતં ક્વ ભવિષ્યદ્ વા વર્તમાનમ્ અપિ ક્વ વા
ક્વ દેશઃ ક્વ ચ વા નિત્યં સ્વમહિમ્નિ સ્થિતસ્ય મે ॥

ક્વ ચાત્મા ક્વ ચ વાનાત્મા ક્વ શુભં ક્વાસુભં યથા
ક્વ ચિન્તા ક્વ ચ વાચિન્તા સ્વમહિમ્નિ સ્થિતસ્ય મે ॥

ક્વ સ્વપ્નઃ ક્વ સુષુપ્તિર્ વા ક્વ ચ જાગરણં તથા
ક્વ તુરિયં ભયં વાપિ સ્વમહિમ્નિ સ્થિતસ્ય મે ॥

ક્વ દૂરં ક્વ સમીપં વા બહ્યં ક્વાભ્યન્તરં ક્વ વા
ક્વ સ્થૂલં ક્વ ચ વા સૂક્ષ્મં સ્વમહિમ્નિ સ્થિતસ્ય મે ॥

ક્વ મૃત્યુર્જીવિતં વા ક્વ લોકાઃ ક્વાસ્ય ક્વ લૌકિકમ્
ક્વ લયઃ ક્વ સમાધિર્ વા સ્વમહિમ્નિ સ્થિતસ્ય મે ॥

અલં ત્રિવર્ગકથયા યોગસ્ય કથયાપ્ય્ અલમ્
અલં વિજ્ઞાનકથયા વિશ્રાન્તસ્ય મમાત્મનિ ॥