અષ્ટાવક્ર ગીતા · અધ્યાય 20

ક્વ ભૂતાનિ ક્વ દેહો વા ક્વેન્દ્રિયાણિ ક્વ વા મનઃ
ક્વ શૂન્યં ક્વ ચ નૈરાશ્યં મત્સ્વરૂપે નિરઞ્જને ॥

ક્વ શાસ્ત્રં ક્વાત્મવિજ્ઞાનં ક્વ વા નિર્વિષયં મનઃ
ક્વ તૃપ્તિઃ ક્વ વિતૃષ્ણત્વં ગતદ્વન્દ્વસ્ય મે સદા ॥

ક્વ વિદ્યા ક્વ ચ વાવિદ્યા ક્વાહં ક્વેદં મમ ક્વ વા
ક્વ બન્ધઃ ક્વ ચ વા મોક્ષઃ સ્વરૂપસ્ય ક્વ રૂપિતા ॥

ક્વ પ્રારબ્ધાનિ કર્માણિ જીવન્મુક્તિર્ અપિ ક્વ વા
ક્વ તદ્ વિદેહકૈવલ્યં નિર્વિશેષસ્ય સર્વદા ॥

ક્વ કર્તા ક્વ ચ વા ભોક્તા નિષ્ક્રિયં સ્ફુરણં ક્વ વા
ક્વાપરોક્ષં ફલં વા ક્વ નિઃસ્વભાવસ્ય મે સદા ॥

ક્વ લોકઃ ક્વ મુમુક્ષુર્ વા ક્વ યોગી જ્ઞાનવાન્ ક્વ વા
ક્વ બદ્ધઃ ક્વ ચ વા મુક્તઃ સ્વસ્વરૂપે ઽહમ્ અદ્વયે ॥

ક્વ સૃષ્ટિઃ ક્વ ચ સંહારઃ ક્વ સાધ્યં ક્વ ચ સાધનમ્
ક્વ સાધકઃ ક્વ સિદ્ધિર્ વા સ્વસ્વરૂપે ઽહમ્ અદ્વયે ॥

ક્વ પ્રમાતા પ્રમાણં વા ક્વ પ્રમેયં ક્વ ચ પ્રમા
ક્વ કિંચિત્ ક્વ ન કિંચિદ્ વા સર્વદા વિમલસ્ય મે ॥

ક્વ વિક્ષેપઃ ક્વ ચૈકગ્ર્યં ક્વ નિર્બોધઃ ક્વ મૂઢતા
ક્વ હર્ષઃ ક્વ વિષાદો વા સર્વદા નિષ્ક્રિયસ્ય મે ॥

ક્વ ચૈષ વ્યવહારો વા ક્વ ચ સા પરમાર્થતા
ક્વ સુખં ક્વ ચ વા દુખં નિર્વિમર્શસ્ય મે સદા ॥

ક્વ માયા ક્વ ચ સંસારઃ ક્વ પ્રીતિર્ વિરતિઃ ક્વ વા
ક્વ જીવઃ ક્વ ચ તદ્બ્રહ્મ સર્વદા વિમલસ્ય મે ॥

ક્વ પ્રવૃત્તિર્ નિર્વૃત્તિર્ વા ક્વ મુક્તિઃ ક્વ ચ બન્ધનમ્
કૂટસ્થનિર્વિભાગસ્ય સ્વસ્થસ્ય મમ સર્વદા ॥

ક્વોપદેશઃ ક્વ વા શાસ્ત્રં ક્વ શિષ્યઃ ક્વ ચ વા ગુરુઃ
ક્વ ચાસ્તિ પુરુષાર્થો વા નિરુપાધેઃ શિવસ્ય મે ॥

ક્વ ચાસ્તિ ક્વ ચ વા નાસ્તિ ક્વાસ્તિ ચૈકં ક્વ ચ દ્વયમ્
બહુનાત્ર કિમ્ ઉક્તેન કિંચિન્ નોત્તિષ્ઠતે મમ ॥