આર્યાસપ્તશતી · શ્લોક 584-603

શાખોટક-શાખોટજ-વૈખાનસ-કરટ-પૂજ્ય રટ સુચિરમ્ ।
નાદર-પદમ્ ઇહ ગણકાઃ પ્રમાણ-પુરુષો ભવાન્ એકઃ

શશિ-રેખોપમ-કાન્તેસ્ તવાન્ય-પાણિ-ગ્રહં પ્રયાતાયાઃ ।
મદનાસિ-પુત્રિકાયા ઇવાઙ્ગ-શોભાં કદર્થયતિ

શૈથિલ્યેન ભૃતા અપિ ભર્તુઃ કાર્યં ત્યજન્તિ ન સુવૃત્તાઃ ।
બલિનાકૃષ્ટે બાહૌ વલયાઃ કૂજન્તિ ધાવન્તિ

ઇતિ વિભાવ્યાખ્યા-સમેતા શ-કાર-વ્રજ્યા ।
ષ-કાર-વ્રજ્યા
ષટ્-ચરણ-કીટ-જુષ્ટં પરાગ-ઘુણ-પૂર્ણમ્ આયુધં ત્યક્ત્વા ।
ત્વાં મુષ્ટિમેય-મધ્યામ્ અધુના શક્તિં સ્મરો વહતિ

ઇતિ વિભાવ્યાખ્યા-સમેતા ષ-કાર-વ્રજ્યા ।
સ-કાર-વ્રજ્યા
સા દિવસ-યોગ્ય-કૃત્ય-વ્યપદેશા કેવલં ગૃહિણી ।
દ્વિતિથેર્ દિવસસ્ય પરા તિથિર્ ઇવ સેવ્યા નિશિ ત્વમ્ અસિ

સ્તન-નૂતન-નખ-લેખાલમ્બી તવ ઘર્મ-બિન્દુ-સન્દોહઃ ।
આભાતિ પટ્ટ-સૂત્રે પ્રવિશન્ન્ ઇવ મૌક્તિક-પ્રસરઃ

સૌભાગ્ય-ગર્વમ્ એકા કરોતુ યૂથસ્ય ભૂષણં કરિણી ।
અત્યાયામ્ અવતોર્ યા મદાન્ધયોર્ મધ્યમ્ અધિવસતિ

સ્વ-ચરણ-પીડાનુમિત-ત્વન્-મૌલિ-રુજા-વિનીત-માત્સર્યા ।
અપરાદ્ધા સુભગ ત્વાં સ્વયમ્ અહમ્ અનુનેતુમ્ આયાતા

સ્નેહમયાન્ પીડયતઃ કિં ચક્રેણાપિ તૈલકારસ્ય ।
ચાલયતિ પાર્થિવાન્ અપિ યઃ સ કુલાલઃ પરં ચક્રી

સરલે ન વેદ ભવતી બહુ-ભઙ્ગા બહુ-રસા બહુ-વિવર્તા ।
ગતિર્ અસતી-નેત્રાણાં પ્રેમ્ણાં સ્રોતસ્વતીનાં ચ

સખિ મધ્યાહ્ન-દ્વિ-ગુ;ન-દ્યુમણિ-કર-શ્રેણિ-પીડિતા છાયા ।
મજ્જિતુમ્ ઇવાલ-વાલે પરિતસ્ તરુ-મૂલમ્ આશ્રયતિ

સખિ શૃણુ મમ પ્રિયો ઽયં ગેહં યેનૈવ વર્ત્મનાયાતઃ ।
તન્-નગર-ગ્રામ-નદીઃ પૃચ્છતિ સમમ્ આગતાન્ અન્યાન્

સાયં રવિર્ અનલમ્ અસૌ મદન-શરં સ ચ વિયોગિની-ચેતઃ ।
ઇદમ્ અપિ તમઃ-સમૂહં સો ઽપિ નભો નિર્ભરં વિશતિ

સ્મર-સમર-સમય-પૂરિત-કમ્ભુ-નિભો દ્વિગુણ-પીન-ગલ-નાલઃ ।
શીર્ણ-પ્રાસાદોપરિ જિગીષુર્ ઇવ કલ-રવઃ ક્વણતિ

સ્ફુરદ્-અધરમ્ અવિરતાશ્રુ ધ્વનિ-રોધોત્કમ્પ-કુચમ્ ઇદં રુદિતમ્ ।
જાનૂપનિહિત-હસ્ત-ન્યસ્ત-મુખં દક્ષિણ-પ્રકૃતેઃ

સ્વયમ્ ઉપનીતૈર્ અશનૈઃ પુષ્ણન્તી નીડ-નિર્વૃતં દયિતમ્ ।
સહજ-પ્રેમ-રસજ્ઞા સુભગા-ગર્વં બકી વહતુ

સ્વ-રસેન બધ્નતાં કરમ્ આદાને કણ્ટકોત્કરૈસ્ તુદતામ્ ।
પિશુનાનાં પનસાનાં કોષાભોગો ઽપ્ય્ અવિશ્વાસ્યઃ

સૌભાગ્યં દાક્ષિણ્યાન્ નેત્ય્ ઉપદિષ્ટં હરેણ તરુણીનામ્ ।
વામાર્ધમ્ એવ દેવ્યાઃ સ્વ-વપુઃ-શિલ્પે નિવેશયતા

સુભગ સ્વ-ભવન-ભિત્તૌ ભવતા સંમર્દ્ય પીડિતા સુતનુઃ ।
સા પીડયૈવ જીવતિ દધતી વૈદ્યેષુ વિદ્વેષમ્

સા ગુણ-મયી સ્વભાવ-સ્વચ્છા સુતનુઃ કર-ગ્રહાયત્તા ।
ભ્રમિતા બહુ-મન્ત્ર-વિદા ભવતા કાશ્મીર-માલેવ