આર્યાસપ્તશતી · શ્લોક 369-388

પરિતઃ સ્ફુરિત-મહૌષધિ-મણિ-નિકરે કેલિ-તલ્પ ઇવ શૈલે ।
કાઞ્ચી-ગુણ ઇવ પતિતઃ સ્થિતૈક-રત્નઃ ફણી સ્ફુરતિ

પ્રાવૃષિ શૈલ-શ્રેણી-નિતમ્બમ્ ઉહ્હન્ દિગ્-અન્તરે ભ્રમસિ ।
ચપલાન્તર ઘન કિં તવ વચનીયં પવન-વશ્યો ઽસિ

પ્રતિ-દિવસ-ક્ષીણ-દશસ્ તવૈષ વસનાઞ્ચલો ઽતિકર-કૃષ્ટઃ ।
નિજ-નાયકમ્ અતિકૃપણં કથયતિ કુગ્રામ ઇવ વિરલઃ

પથિક કથં ચપલોજ્જ્વલમ્ અમ્બુદ-જલ-બિન્દુ-નિહ્વહમ્ અવિષહ્યમ્ ।
મયપુર-કનક-દ્રવમ્ ઇવ શિવ-શર-શિખિ-ભાવિતં સહસે

પથિકં શ્રમેણ સુપ્તં દર-તરલા તરુણિ સુમધુર-ચ્છાયા ।
વ્યાલમ્બમાન-વેણિઃ સુખયસિ શાખેવ સારોહા

પ્રદદાતિ નાપરાસાં પ્રવેશમ્ અપિ પીન-તુઙ્ગ-જઘનોરૂઃ ।
યા લુપ્ત-કીલ-ભાવં યાતા હૃદિ બહિર્ અદૃશ્યાસિ

પ્રાતર્ નિદ્રાતિ યથા યથાત્મજા લુલિત-નિઃસહૈર્ અઙ્ગૈઃ ।
જામાતરિ મુદિત-મનાસ્ તથા તથા સાદરા શ્વશ્રૂઃ

પ્રણય-ચલિતો ઽપિ સકપટ-કોપ-કટાક્ષૈર્ મયાહિત-સ્તમ્ભઃ ।
ત્રાસ-તરલો ગૃહીતઃ સહાસ-રભસં પ્રિયઃ કણ્ઠે

પ્રિય-દુર્નયેન હૃદય સ્ફુટસિ યદિ સ્ફુટનમ્ અપિ તવ શ્લાઘ્યમ્ ।
તત્-કેલિ-સમર-તલ્પી-કૃતસ્ય વસનાઞ્ચલસ્યેવ

પવનોપનીત-સૌરભ-દૂરોદક-પૂર-પદ્મિની-લુબ્ધઃ ।
અપરીક્ષિત-સ્વપક્ષો ગન્તા હન્તાપદં મધુપઃ

પ્રેમ-લઘૂ-કૃત-કેશવ- વક્ષો-ભર-વિપુલ-પુલક-કુચ-કલશા ।
ગોવર્ધન-ગિરિ-ગુરુતાં મુગ્ધ-વધૂર્ નિભૃતમ્ ઉપહસતિ

પ્રિય-વિરહ-નિઃસહાયાઃ સહજ-વિપક્ષાભિર્ અપિ સપત્નીભિઃ ।
રક્ષ્યન્તે હરિણાક્ષ્યાઃ પ્રાણા ગૃહ-ભઙ્ગ-ભીતાભિઃ

પ્રકટયસિ રાગમ્ અધિકં લપનમ્ ઇદં વક્રિમાણમ્ આવહતિ ।
પ્રીણયતિ ચ પ્રતિપદં દૂતિ શુકસ્યેવ દયિતસ્ય

પ્રવિશન્ત્યાઃ પ્રિય-હૃદયં બાલાયાઃ પ્રબલ-યૌવત-વ્યાપ્તમ્ ।
નવ-નિશિત-દર-તરઙ્ગિત-નયન-મયેનાસિના પન્થાઃ

પ્રણયાપરાધ-રોષ-પ્રસાદ-વિશ્વાસ-કેલિ-પાણ્ડિત્યૈઃ ।
રૂઢ-પ્રેમા હ્રિયતે કિં બાલા-કુતુક-માત્રેણ

પૂર્વૈર્ એવ ચરિતૈર્ જરતો ઽપિ પૂજ્યતા ભવતઃ ।
મુઞ્ચ મદમ્ અસ્ય ગન્ધાદ્ યુવભિર્ ગજ ગઊજનીયો ઽસિ

પ્રથમં પ્રવેશિતા યા વાસાગારં કથઞ્ચન સખીભિઃ ।
ન શૃણોતીવ પ્રાતઃ સા નિર્ગમનસ્ય સઙ્કેતમ્

પૂજા વિના પ્રતિષ્ઠાં નાસ્તિ ન મન્ત્રં વિના પ્રતિષ્ઠા ચ ।
તદ્-ઉભય-વિપ્રતિપન્નઃ પશ્યતુ ગીર્-વાણ-પાષાણમ્

પૂર્વાધિકો ગૃહિણ્યાં બહુ-માનઃ પ્રેમ-નર્મ-વિશ્વાસઃ ।
ભીર્ અધિકેયં કથયતિ રાગં બાલા-વિભક્તમ્ ઇવ

પુલિકત-કઠોર-પીવર-કુચ-કલશાશ્લેષ-વેદનાભિજ્ઞઃ ।
શમ્ભોર્ ઉપવીત-ફણી વાઞ્છતિ માન-ગ્રહં દેવ્યાઃ