આર્યાસપ્તશતી · શ્લોક 349-368

પશ્યાનુરૂપમ્ ઇન્દિન્દિરેણ માકન્દ-શેખરો મુખરઃ ।
અપિ ચ પિચુ-મન્દ-મુકુલે મૌકુલિ-કુલમ્ આકુલં મિલતિ

પ્રતિબિમ્બ-સમ્ભૃતાનનમ્ આદર્શં સુમુખ મમ સખી-હસ્તાત્ ।
આદાતુમ્ ઇચ્છસિ મુધા કિં લીલા-કમલ-મોહેન

પ્રાચીનાચલ-મૌલેર્ યથા શશી ગગન-મધ્યમ્ અધિવસતિ ।
ત્વાં સખિ પશ્યામિ તથા છાયામ્ ઇવ સઙ્કુચન્ માનામ્

પ્રાઙ્ગણ-કોણેઽપિ નિશાપતિઃ સ તાપં સુધામયો હરતિ ।
યદિ માં રજનિ-જ્વર ઇવ સખિ સ ન નિરુણદ્ધિ ગેહ-પતિઃ

પતિ-પુલક-દૂન-ગાત્રી સ્વચ્છાયાવીક્ષણેઽપિ યા સભયા ।
અભિસરતિ સુભગ સા ત્વાં વિદલન્તી કણ્ટકં તમસિ

પ્રતિભૂઃ શુકો વિપક્ષે દણ્ડઃ શૃઙ્ગાર-સઙ્કથા ગુરુષુ ।
પુરુષાયિતં પણસ્ તદ્-બાલે પરિભાવ્યતાં દાયઃ

પર-મોહનાય મુક્તો નિષ્કરુણે તરુણિ તવ કટાક્ષો ઽયમ્ ।
વિશિખ ઇવ કલિત-કર્ણઃ પ્રવિશતિ હૃદયં ન નિઃસરતિ

પ્રપદાલમ્બિત-ભૂમિશ્ ચુમ્બન્તી પ્રીતિ-ભીતિ-મધુરાક્ષી ।
પ્રાચીરાગ્ર-નિવેશિત-ચિબુકતયા ન પતિતા સુતનુઃ

પ્રાતર્ ઉપાગત્ય મ્ર્ષા વદતઃ સખિ નાસ્ય વિદ્યતે વ્રીડા ।
મુખ-લગ્નયાપિ યો ઽયં ન લજ્જતે દગ્ધ-કાલિકયા

પશ્યોત્તરસ્ તનૂદરિ ફાલ્ગુનમ્ આસાદ્ય નિર્જિત-વિપક્ષઃ ।
વૈરાટિર્ ઇવ પતઙ્ગઃ પ્રત્યાનયનં કરોતિ ગવામ્

પ્રમદ-વનં તવ ચ સ્તન-શૈલં મૂલં ગભીર-સરસાં ચ ।
જગતિ નિદાઘ-નિરસ્તં શૈત્યં દુર્ગ-ત્રયં શ્રયતિ

પ્રોઞ્છતિ તવાપરાધં માનં મર્દયતિ નિર્વૃતિં હરતિ ।
સ્વકૃતાન્ નિહન્તિ શપથાઞ્ જાગર-દીર્ઘા નિશા સુભગ

પ્રિય આયાતે દૂરાદ્ અભૂત ઇવ સઙ્ગમો ઽભવત્ પૂર્વઃ ।
માન-રુદિત-પ્રસાદાઃ પુનર્ આસન્ન-પર-સુરતાદૌ

પૂર્વ-મહી-ધર-શિખરે તમઃ સમાસન્ન-મિહિર-કર-કલિતમ્ ।
શૂલ-પ્રોતં સરુધિરમ્ ઇદમ્ અન્ધક-વપુર્ ઇવાભાતિ

પરિવૃત્ત-નાભિ લુપ્ત-ત્રિવલિ શ્યામ-સ્તનાગ્રમ્ અલસાક્ષિ ।
બહુ-ધવલ-જઘન-રેખં વપુર્ ન પુરુષાયિતં સહતે

પ્રારબ્ધ-નિધુવનૈવ સ્વેદ-જલં કોમલાઙ્ગિ કિં વહસિ ।
જ્યામ્ અર્પયિતું નમિતા કુસુમાસ્ત્ર-ધનુર્-લતેવ મધુ

પુંસાં દર્શય સુન્દરિ મુખેન્દુમ્ ઈષત્ ત્ર્પામ્ અપાકૃત્ય ।
જાયાજિત ઇતિ રૂઢા જન-શ્રુતિર્ મે યશો ભવતુ

પ્રસરતુ શરત્-ત્રિયામા જગન્તિ ધવલયતુ ધામ તુહિનાંશોઃ ।
પઞ્જર-ચકોરિકાણાં કણિકાકલ્પો ઽપિ ન વિશેષઃ

પ્રથમાગત સોત્કણ્ઠા ચિર-ચલિતેયં વિલમ્બ-દોષે તુ ।
વક્ષ્યન્તિ સાઙ્ગ-રાગાઃ પથિ તરવસ્ તવ સમાધાનમ્

પતિતેઽંશુકે સ્તનાર્પિત-હસ્તાં તાં નિવિડ-જઘન-પિહિતોરુમ્ ।
રદ-પદ-વિકલિત-ફૂત્કૃતિ-શત-ધુત-દીપાં મનઃ સ્મરતિ