આર્યભટીય (ટીકા સહિત) · અધ્યાય 26

ગચ્છઃ ઇતિ અનેન [પ]દધનમ્ પરિગૃહ્યતે । અષ્ટોત્તરગુણિતાત્ અષ્ટાભિઃ ઉત્તરેણ ચ ગુણિતમ્ અષ્ટોત્તરગુણિતમ્ । તસ્માત્ અષ્ટોત્તરગુણિતાત્ । દ્વિગુણાદ્યુત્તરવિશેષવર્ગયુતાત્, દ્વિગુણઃ ચ અસૌ આદિઃ ચ દ્વિગુણાદિઃ, દ્વિગુણાદેઃ ઉત્તરસ્ય ચ વિશેષઃ દ્વિગુણાદ્યુત્તરવિશેષઃ, દ્વિગુણાદ્યુત્તરવિશેષસ્ય વર્ગઃ દ્વિગુણાદ્યુત્તરવિશેષવર્ગઃ, દ્વિગુણાદ્યુત્તરવિશેષવર્ગેણ યુતમ્ દ્વિગુણાદ્યુત્તરવિશેષવર્ગયુતમ્, તસ્માત્ દ્વિગુણાદ્યુત્તરવિશેષવર્ગયુતાત્ ગચ્છધનાત્
[સર્વધનાત્] અષ્ટોત્તરગુણિતાત્ મૂલમ્, દ્વિગુણાદ્યૂનમ્ દ્વિગુણઃ ચ અસૌ આદિઃ ચ દ્વિગુણાદિઃ, તેન દ્વિગુણાદિના ઊનમ્ દ્વિગુણાદ્યૂનમ્, સ્વોત્તરેણ ભજિતમ્ સ્વોત્તરભજિતમ્, સહ રૂપેણ વર્તતે ઇતિ સરૂપમ્, અર્ધમ્ દલિતમ્, ગચ્છઃ ભવતિ ।
ઉદ્દેશકઃ ã
આદિઃ પઞ્ચ પ્રોક્તઃ સપ્તાખ્યમ્ ચ ઉત્તરમ્ ભવેત્ શ્રેઢ્યા ।
પઞ્ચોનશતમ્ દ્રવ્યમ્ ગચ્છઃ વાચ્યઃ કિયાન્ તસ્ય

ન્યાસઃ ã
આદિઃ 5, ઉત્તરમ્ 7, સર્વધનમ્ 95 ।
કરણમ્ ã ગચ્છધનાત્ અષ્ટોત્તરગુણિતાત્ ઇતિ ગચ્છધનમ્ અષ્ટાભિઃ ઉત્તરેણ ચ ગુણિતમ્ જાતમ્ 5320 । દ્વિગુણઃ આદિઃ 10, એતત્ ઉત્તરવિશેષિતમ્ 3, એતસ્ય વર્ગઃ 9, અનેન યુક્તમ્ જાતમ્ 5329, એતસ્માત્ મૂલમ્ 73, દ્વિગુણાદ્યૂનમ્ 63, સ્વોત્તરેણ અનેન 7 ભજિતમ્ 9, સરૂપમ્ 10, અર્ધમ્ ગચ્છઃ 5 ।
ઉદ્દેશકઃ ã
નવકાષ્ટૌ વૃદ્ધિમુખે યત્ર યત્ કીર્ત્યતે ધનમ્ ક્રમશઃ ।
રામાષ્ટશરમ્ દૃષ્ટમ્ પદપ્રમાણમ્ ત્વયા વાચ્યમ્

ન્યાસઃ ã
આદિઃ 8, ઉત્તરમ્ 9, ગચ્છધનમ્ 583 । પૂર્વવત્ લબ્ધમ્ પદપ્રમાણમ્ 11

[ ચિતિઘનજ્ઞાનમ્ ]
સઙ્કલનાસઙ્કલનાનયનાય આહ ã
એકોત્તરાદ્યુપચિતેઃ ગચ્છાદ્યેકોત્તરત્રિસંવર્ગઃ ।
ષડ્ભક્તઃ સ ચિતિઘનઃ સૈકપદઘનઃ વિમૂલઃ વા