આપસ્તમ્બગૃહ્યસૂત્ર (ટીકા સહિત) · અધ્યાય 46

ઇતિ શ્રીસુદર્શનાચાર્યવિરચિતે ગૃહ્યતાત્પર્યદર્શને ચતુર્દશઃ ખણ્ડઃ સમાપ્તઃ ॥
પઞ્ચદશઃ ખણ્ડઃ ।
12 જાતકર્મ -
1 જાતસ્ય કુમારસ્ય વાત્સપ્રેણાભિમન્ત્રણમ્, મૂર્ધન્યવઘ્રાણમ્, દક્ષિણકર્ણજપશ્ચ ।
જાતં વાત્સપ્રેણાભિમૃશ્યોત્તરેણ યજુષોપસ્થ આધાયોત્તરાભ્યમાભિમન્ત્રણં મૂર્ધન્યવઘ્રાણં દક્ષિણે કર્ણે જાપઃ ॥ આ
ચોમ્મેન્તરિએસ્:
આપ્ગ્સ્-અના_15.1:
જાતમિતિ પુલ્લિઙ્ગસ્ય વિવક્ષિતત્વાત્ પુંસ એવાયં જાતકર્માખ્યઃ સંસ્કારઃ ।
ન સ્ત્રિયાઃ ।
વત્સપ્રીર્નામ ઋષિઃ ।
તેન દૃષ્ટં વાત્સપ્રં દિવસ્પરીત્યેષો ઽનુવાકઃ ।
પ્રત્યૃચમભિમર્શનમ્ ।
સર્વાન્ત ઇત્યન્યે ।
ઉત્તરેણ યજુષા ઽઅસ્મિન્નહઽમિત્યનેન ।
ઉત્તરત્ર માતુરિતિ વિશેષણાદિહ સ્વ ઉપસ્થ આદધાતિ ।
ઉત્તરાભિરિતિ પાઠઃ ઉત્તરાભિઃ તિસૃભિઃ ઋગ્ભિઃ અભિમન્ત્રણાદીનિ ત્રીણિ કર્તવ્યાનિ ।
ઽઅઙ્ગાદઙ્ગાઽદિત્યભિમ્નત્રણમ્ ।
ઽઅશ્મા ભવેઽતિમૂર્ધન્યવઘ્રાણમ્ ।
ઽમેધાં તઽઇતિ દક્ષિણે કર્ણે જાપઃ ।
જપ ઇત્યર્થઃ ।
કેચિત્તુ ઉત્તરાભ્યામિતિ દ્વિવચનાન્તપાઠમાશ્રિત્ય દ્વયોર્મન્ત્રયોઃ ત્રિષ્વપિ કર્મસુ વિનિયોગં મન્યન્તે ।
તેષામવઘ્રાણલિઙ્ગેનાભિમન્ત્રણં કર્ણયોર્જપશ્ચ પ્રાપ્નોતિ ।
આશ્વલાયનશ્ચાહ-કર્ણયોરુપનિધાય મેધાજનનં જપતિ મેધાં તે દેવસ્સવિતેતિ (આશ્વ.શ્રૌ.1-13-2)