આપસ્તમ્બગૃહ્યસૂત્ર (ટીકા સહિત) · અધ્યાય 2

ઇતિશ્રીસુદર્શનાચાર્યકૃતે ગૃહ્યતાત્પર્યદર્શને પ્રથમઃ ખણ્ડઃ
ઇત્યાપસ્તમ્બીયે ગૃહ્યપ્રશ્ને પ્રથમઃ ખણ્ડઃ ॥
દ્વિતીયઃ ખણ્ડઃ
7 દર્વીસંસ્કારઃ ।
યેન જુહોતિ તદગ્નૌ પ્રતિતપ્ય દર્ભૈઃ સંમૃજ્ય પુનઃ પ્રતિતપ્ય પ્રોક્ષ્ય નિધાય દર્ભાનદ્ભિસ્સંસ્પૃશ્યાગ્નૌ પ્રહરતિ ॥ આ
ચોમ્મેન્તરિએસ્:
આપ્ગ્સ્-અના_2.1:
સંમાર્જનં સુગ્વત્ ।
પ્રતિતપનં ન્યગ્ભૂતસ્ય તપનમ્ ।
અગ્નિગ્રહણમનર્ધકમ્ , અન્યત્ર પ્રતિતપનસ્યાસમ્ભવાત્ ।
તત્ક્રિયતે દર્શપૂર્ણમાસયોસ્સમ્માર્જને યે ધર્માસ્તેષામિહ પ્રાપ્ત્યર્થમાહવનીયે ગાર્હપત્યે વા ચોદિતં યત્પ્રતિતપનં તદસ્મિન્નગ્નૌ ભવતીતિ ।
અગ્નિમાત્રં ભિદ્યતે ।
અન્યત્ સમાનં"સુવમગ્રૈરિત્યાદિ (આપ.શ્રૌ.2-44) ।
અગ્નૌ પ્રહરતીતિ પુનરગ્નિગ્રહણં સુક્સંમાર્જનધર્મા ઇહ પ્રવર્તન્ત ઇતિ ।
પાકયજ્ઞેષુ ચ દર્વ્યા હોમઃ, કલ્પાન્તરે દૃષ્ટત્વાદ્દર્શનાચ્ચ ।
યજયં સમાવર્તને દર્વ્યામાદાયાજ્યેનાભ્યાનાયન્નિત્યન્યપરે વાક્યે દર્વીં પ્રાપ્તાં દર્શયતિ ।
યચ્ચાયં સકૃદુપહત્યેતિ ઉપઘાતં સ્થાલીપાકાદ્દર્શયતિ તદપિ નાદર્વ્યામુપપદ્યતે ।
તત્રાજ્યહોમેષ્વેકા દર્વી ।
સ્થાલીપાકેષુ દ્વે હોમાર્થ ચાવદાનાર્થ ચ ।
ઉભયોરપિ સમ્માર્જનમ્ ।
અવદાનસ્ય હોમાર્થત્વાત્ યથાગ્નિહોત્રે સ્રુવસ્ય ।
તત્ર દર્વીમગ્નૌ પ્રતિતપ્યેતિ વક્તવ્યમ્ ।
યેન જુહોતીતિ કિમુચ્યતે ?
"મધ્યમેનાન્તમેન વા પલાશપર્ણેમે"ત્યત્રાપિ યથા સ્યાત્, અગ્નિહોત્રે આગ્નિહોત્રિકે ચ તન્ત્રે યથા સ્યાદિતિ ।
યદ્યેવમઞ્જલેરપિ પ્રસઙ્ગઃ ।
વિવાહસર્પયજ્ઞાદિષુ જ્ઞાપકાત્ સિદ્ધમ્ ।
યદયમૌપકાર્યે પાર્વણવદિતિ યત્નં કરોતિ તત્ જ્ઞાપયતિ-અઞ્જલિહોમા અધર્મગ્રાહકાઃ યાવદુક્તધર્માણ ઇતિ ।
તેન સાદનાદિ ત્રયમઞ્જલેર્ન ભવતિ