અનિરુદ્ધસંહિતા · અધ્યાય 31

અથ એકત્રિંશોઽધ્યાયાઃ
શ્રીભગવાન્--
ગર્ભન્યાસવિધિં વક્ષ્યે સમાસાદવધારય
દેવાનાં બ્રાહ્મણાદીનાં ગર્ભન્યસો વિધીયતે

ગ્રામમધ્યે વિશેષેણ દેવાનામાલયે તથા
પાઞ્ચરાત્રપરેણૈવ ગર્ભન્યાસં સમાચરેત્

અન્યથા દોષમાપ્નોતિ શિલ્પિના સહ દેશિકઃ।
તાલમાનપ્રમાણેન ગર્ભભાજન માચરેત્

તન્માનેન ચ લોકેન વિધાનં પરિકલ્પયેત્।
શિલયેષ્ટકયા વાપિ નવગર્તં પ્રકલ્પયેત્

મુહૂર્તે શોભને પ્રાપ્તે રાત્રૌ ગર્ભં વિધીયતે।
અધિવાસં તતઃ કુર્યાત્ તત્ક્રમસ્તે પ્રવક્ષ્યતે

સ્નાનકાર્યં તતઃ કૃત્વા અલંકૃત્ય યથાવિધિ।
અઙ્કુરાનર્પયિત્વા તુ કૌતુકં બન્ધયેત્ પૃથક્

સ્નપનં કારયેદ્ધીમાન્ ઘટૈસ્સપ્તદશૈઃ ક્રમાત્।
પુણ્યાહં કારયેદ્ધીમાન્ વાસસા પરિવેષ્ટયેત્

ધાન્યરાશિં વિનિક્ષિપ્ય તદર્ધં તણ્ડુલં ન્યસેત્।
તિલં તદર્ધં નિક્ષિપ્ય નવવસ્ત્રૈઃ પરિસ્તરેત્

અભ્યર્ચ્ય ગન્ધપુષ્પાદ્યૈ ર્મન્ત્રેણૈવ તુ દેશિકઃ।
ગર્ભપાત્રં સમાદાય શાયયેચ્છયનોપરિ

તસ્ય દક્ષિણાપાર્શ્વે તુ કુમ્ભં સંસ્થાપયેદ્બુધઃ।
દેવં દેવીં સમાવાહ્ય પૂજયેત્ શાસ્ત્રવર્ત્મના

ગર્ભદ્રવ્યં સમાદાય વિન્યસે દ્ભક્તમધ્યતઃ।
રત્નંલોહન્તથાધાતુ? બીજમૂલગણાંસ્તથા

અષ્ટમૃદ્ભિ ર્વિશેષેણ બ્રહ્માદીશાનકે ન્યસેત્।
સપાતાજ્યં સમાસિચ્ય પૂજયેત્ પૂર્વવર્ત્મના

સંભવેત્તુ વિધાનેન તત્રૈવ પરિવેષ્ટયેત્।
હોમં કુર્યાદ્યથાન્યાયં બલિં દદ્યાત્ સમન્તતઃ

મુહૂર્તે શોભને પ્રાપ્તે વિન્યસે દ્ગર્ભભાજનમ્।
સમુદ્રપરિધાનીયે પર્વતસ્તનમણ્ડિતે

સમસ્તભુવનાધારે દેવીગર્ભસમાશ્રયઃ।
સચિહ્નૈર્લોહજૈશ્ચૈવ માલ્યાદિગણસંયુતમ્

તદ્ગર્તં પૂરયેત્પશ્ચાન્નૃત્તવાદ્યસમન્વિતમ્।
સિકતૈસ્તોયપૂરૈશ્ચ તથાગુણિશિલાગણૈઃ

ગર્ભવિન્યાસાકાલે તુ સ્વસ્તિકૈ સ્સંપ્રપૂજયેત્।
આચાર્યં પૂજયેત્ પશ્ચાત્ વસ્ત્રહેમાઙ્ગુલીયકૈઃ

શિલ્પિનં પૂજયેત્ પશ્ચાત્ ધનધાન્યગવાદિભિઃ।
ગર્ભવિન્યાસહીને તુ તદ્ગામો નિધનો ભવેત્

તસ્માત્ સર્વપ્રયત્નેન ગર્ભન્યાસં સમાચરેત્।
સર્વમષ્ટાક્ષરેણૈવ દ્વાદશાક્ષરેણૈવ વા

પુંસૂક્તેનૈવ મન્ત્રેણ સ્નપનં કારયેદ્બુધઃ।
શ્રીસૂક્તેનૈવ મન્ત્રેણ ગર્ભભાજનમાચરેત્

ષષ઼ડક્ષરેણ મન્ત્રેણ હોમં કુર્યાદ્વિચક્ષણઃ।
મન્ત્રતન્ત્રવિહીને તુ સર્વં કર્માસુરં ભવેત્

સુદર્શનેન મન્ત્રેણ રક્ષાં કુર્યાત્ સમન્તતઃ।
હેતીશં સ્વર્ણમન્ત્રેણ ગર્ભસ્થાને વિનિક્ષિપેત્

ઇન્દ્રાદીશાનદેવાંશ્ચ સ્વસ્થાને સંપ્રપૂજયેત્।
ઇતિ સમ્યક્ સમાખ્યાતો ગર્ભન્યાસવિધિઃ પરમ્

ઇતિ શ્રિપાઞ્ચરાત્રે મહોપનિષદિ અનિરુદ્ધસંહિતાયાં
ગર્ભન્યાસવિધિર્નામ એકત્રિંશોઽધ્યાયઃ
-------------**************--------------