આઙ્ગિરસસ્મૃતિ · અધ્યાય 2.6

પણે તુ પર્ષપકલ્પસ્ય કલ્પસ્ય પરિષદ્બલમ્ ।
કારિણશ્ચાપ્યુપસ્થાનં બલં સમ્યઙ્નિવેદિતમ્ ॥

અકલ્પા પરિષદ્યત્ર કલ્પો વા પરિષદ્વિના ।
કાર્યં વાપ્યન્યથોક્તં વા શુદ્ધિસ્તત્રાસ્ય દુર્લભા ॥

પરિષત્કલ્પતો કાર્યા યથા સર્વે બલીયસઃ ।
ભવન્તિ ન તથા પાપં તસ્મિન્ યોગે ઽવતીર્યતે ॥

એવમેતત્સમાસાદ્ય તદ્યોગં ચ પ્રણશ્યતિ ।
મહત્યાં ચામ્ભસિ ક્ષિપ્તં યથાલ્પલવણં તથા ॥

એતદ્યોગપ્રધાનાય કાર્યાણિ પરિશોધને ।
તદ્દ્રવ્યં કર્ણસંયોગાદ્ વક્ત્રાણામિવ શોધને ॥

યત્પાપં શામ્યમાનસ્ય કર્તુર્ધર્મેણ શાસ્ત્રતઃ ।
તદ્વદ્વચ્છતિ કાર્ત્સ્ન્યેન ભાગશઃ પ્રબ્રવીમિ તે ॥

ગુરુરાત્મવતાં શાસ્તા શાસ્તા રાજા દુરાત્મનામ્ ।
અન્તઃપ્રચ્છન્નપાપાનાં શાસ્તા વૈવસ્વતો યમઃ ॥

ગુરૂ રાજા યમો વાપિ શાસ્તા ધર્મેણ યુજ્યતે ।
શાસ્તા સમુચ્યતે પાપાદ્ આહતો ભયતઃ શુભમ્ ॥

પ્રાયશ્ચિત્તે યદા ચીર્ણે બ્રાહ્મણે દગ્ધકિલ્બિષે ।
ધર્મં પૃચ્છામિ તત્ત્વેન તત્પાપં ક્વ નુ તિષ્ઠતિ ॥

નૈવ ગચ્છતિ કર્તારં નૈવ ગચ્છતિ પાર્ષદમ્ ।
મારુતાર્કાંશુસંયોગાજ્ જલવત્સંપ્રશીર્યતે ॥

તેષાં ત્રેતાગ્નિના દગ્ધં પાવકસ્ય તુ ધીમતઃ ।
નશ્યતે નાત્ર સંદેહઃ સૂર્યદૃષ્ટિર્હિમં યથા ॥

પ્રબ્રૂયાત્પક્ષતો યચ્ચ બાહ્યં યચ્ચાપિ પર્ષદઃ ।
ગચ્છતસ્તાવુભૌ મૂઢૌ નરકં તેન કર્મણા ॥

અજાનન્ યસ્તુ વિબ્રૂયાજ્ જાનન્વાપ્યન્યથા વદેત્ ।
ઉભયોર્હિ તયોર્દોષઃ પક્ષયોરુભયોરપિ ॥

અજાનાનાં ચ દાત્ઃણામ્ અદત્ઃણાં ચ જાનતામ્ ।
એવં ભવેન્મહાદોષસ્ તસ્માજ્જ્ઞાત્વા વદેત્સદા ॥

યત્તુ દત્તમજાનદ્ભિઃ પ્રાયશ્ચિત્તં સમાગતૈઃ ।
તત્પાપં શતધા ભૂત્વા દાત્ઃનેવોપતિષ્ઠતિ ॥

યે તુ સમ્યક્સ્થિતા વિપ્રા ધર્મવેદાઙ્ગપારગાઃ ।
શક્તાસ્તે તારણે તેષામ્ આત્મનો ઽનુગ્રહસ્ય ચ ॥