અહોરાત્રવ્રતચૈત્યસેવાનુશંસાવદાન · શ્લોક 1-20

અહોરાત્રવ્રતચૈત્યસેવાનુશંસાવદાન
ઓં નમો રત્નત્રયાય ।
શ્રીમદ્ રત્નત્રયં નત્વા ત્રિધાતુભુવનાધિપમ્ ।
અહોરાત્રવ્રતકથાં વક્ષ્યે ગુરૂપદેશતઃ

કુક્કુટારામમ્ આસીનમ્ ઉપગુપ્તં યતીશ્વરમ્ ।
કૃતાઞ્જલિપુટો ઽશોકઃ પ્રાર્થયદ્ એવમ્ આદરાત્

{અ દિffએરેન્ત્ વેર્સે ઇન્ બ્ચ્દે અસ્ fઓલ્લોwસ્:
અથાશોકો મહીપાલ ઉપગુપ્તં યતિં ચ તમ્ ।
કૃતાઞ્જલિપુટો નત્વા પ્રાર્થયદ્ એવમ્ આદરાત્ ॥ અવ્ચ્_2* ॥}
ભદન્ત શ્રોતુમ્ ઇચ્છામિ ચૈત્યવ્રતવિધિં પુનઃ ।
અહોરાત્રવ્રતસ્યાપિ વિધિં પુણ્યાનિ સદ્ગુરો

તદ્ ભવાન્ સદ્ગુરુઃ શાસ્તા લોકપુણ્યપ્રવૃદ્ધયે ।
અહોરાત્રવ્રતસ્યાત્ર વિધિમ્ આદેષ્ટુમ્ અર્હતિ

ઇતિ તેન નરેન્દ્રેણ પ્રાર્થિતં સ સુધીર્ યતિઃ ।
શ્રુત્વા તં નૃપમ્ આલોક્ય પુનર્ એવમ્ ઉપાદિશત્

શૃણુ સાધુ મહારાજ યથા મે ગુરુણોદિતમ્ ।
તથાહં તે પ્રવક્ષ્યામિ શ્રુત્વા ચૈવં સમાચર

પુરા સ ભગવાઞ્ છાસ્તા શાક્યસિંહો જગદ્ગુરુઃ ।
શ્રાવકૈર્ ભિક્ષુભિઃ સાર્ધં ચૈલકૈશ્ ચાપ્ય્ ઉપાસકૈઃ

ભિક્ષુણીભિઃ સુશીલાભિર્ બોધિસત્ત્વગણૈર્ અપિ ।
વિહારે જેતકારણ્યે વ્યહરત્ સૌગતાશ્રમે

તદા સ ભગવાન્ બુદ્ધો લોકાનાં પુણ્યવૃદ્ધયે ।
સભામધ્યે સમાસીનો ધર્મમ્ આદેષ્ટુમ્ આરભત્

તદા સર્વે ઽમરેન્દ્રાદિલોકપાલા મહર્દ્ધિકાઃ ।
તત્ સદ્ધર્મામૃતં પાતું શ્રદ્ધયા સમુપાગતાઃ

બ્રહ્માદિબ્રાહ્મણાશ્ ચાપિ મહર્ષયસ્ તપસ્વિનઃ ।
ચત્વારશ્ ચ મહારાજાઃ સસૈન્યપરિચારકાઃ

દૈત્યેન્દ્રા નાગરાજાશ્ ચ યક્ષગન્ધર્વકિન્નરાઃ ।
સિદ્ધા વિદ્યાધરાઃ સાધ્યા ગ્રહાશ્ ચ વસવસ્ તથા

રાક્ષસાશ્ ચ મહાવિરા ગરુડાશ્ ચ મહોરગાઃ ।
યોગિનો યતયશ્ ચાપિ રાજાનઃ ક્ષાત્રિયા અપિ

અમાત્યા મન્ત્રિણશ્ ચાપિ વૈશ્યા રાજકુમારકાઃ ।
શ્રેષ્ઠિનો ધનિનઃ શૂદ્રાઃ સાર્થવાહા માહાજનાઃ

વણિજઃ શિલ્પિનશ્ ચાપિ પૌરા જનપદાસ્ તથા ।
ગ્રામ્યાઃ કાર્વટિકાશ્ ચાપિ તથાન્યદેશવાસિનઃ

સર્વે તે સમુપાગત્ય બુદ્ધં તં શૃઈઘનં મુદા ।
સત્કૃત્ય શ્રદ્ધયાભ્યર્ચ્ય કૃત્વા પ્રદક્ષિણાન્ય્ અપિ

કૃતાઞ્જલિપુટા નત્વા નિઋઈક્ષ્ય સંપ્રમોદિતાઃ ।
તત્ સદ્ધર્મામૃતં પાતુમ્ ઉપતસ્થુઃ સમાહિતાઃ

તદાસનાત્ સમુત્થાય સુભૂતિઃ સ્થવિરો યતિઃ ।
ઉદ્વહન્ન્ ઉત્તરાસઙ્ગં જાનુભ્યાં ભુવિ સંસ્થિતઃ

કૃતાઞ્જલિપુટો નત્વા ભગવન્તં જગદ્ગુરુમ્ ।
શ્રીઘનં તં સમાલોક્ય પ્રાર્થયદ્ એવમ્ આદરાત્

ભગવન્ નાથ સર્વજ્ઞ વિજાનીયાદ્ ભવાન્ ગુરુઃ ।
સર્વલોકા ઇમે શાસ્તુર્ ધર્મં શ્રોતું સમાસ્થિતાઃ