અભિધર્મદીપ · શ્લોક 581-597

સાસ્રવાનાસ્રવશ્ચાન્ય એકાદશભુવસ્ત્રયઃ ।
આર્યાકારમતિદ્યોતાઃ શૂન્યતાદ્યઃ સમાધયઃ

દશાપ્રણિહિતાકારાઃ શૂન્યતાયા દ્વયં મતમ્ ।
અનિમિત્તો ઽમૃતાકારૈશ્ચતુર્ભિઃ સંપ્રવર્તતે

વિમુક્તેર્દ્વિપ્રકારાયાઃ પ્રાપ્તયે નિર્મલાઃ પુનઃ ।
વિમોક્ષસુ(મુ ?)ખશબ્દેન ત એવાવિષ્કૃતાસ્ત્રયઃ

ત્રયો ઽપરસમાધ્યાખ્યા શૂન્યતાશૂન્યતાદયઃ ।
દ્વયમાલમ્બતે ઽશૈક્ષં શૂન્યતો ઽનિત્યતસ્તથા

ક્ષયમપ્રતિસંખ્યાખ્યમન્ત્યો ગૃહ્ણાતિ શાન્તતઃ ।
એકાદશભુવઃ સર્વે સાસ્રવા નૃષ્વકોપિનઃ

સમાધિભાવનાધ્યાનં સુખાય પ્રથમં શુભમ્ ।
દર્શનાયાક્ષ્યભિજ્ઞોક્તા પ્રજ્ઞાભેદાય યાત્નિકાઃ

યો ઽન્ત્યો વજ્રોપમે ધ્યાને સર્વક્લેશક્ષયાય સા ।
સૂત્રં ચૈતત્સમાખ્યાતં બુદ્ધેનાત્મોપનાયિકમ્

ચતુર્ણામપ્રમાણાનાં મૈત્ર્યદ્વેષસ્તથા કૃપા ।
મુદિતા પ્રીતિરેકેષામુપેક્ષાલોભ ઇષ્યતે

વ્યાપાદસ્ય વિહિંસાયા અરતેસ્તૃડ્દ્વિષસ્તથા ।
પ્રતિપક્ષો ઽયમાખ્યાતો દમનાર્થં સ્વચેતસઃ

સુખાધાને સુખા મૈત્રી દુઃખનાશોન્મુખી કૃપા ।
મુદિતા મોદનાનિમ્ના સત્ત્વા એભ્યેવ પશ્ચિમા

દ્રષ્ટવ્યા વૃત્તિરેતેષાં આકારૈઃ સુખિતાદિ ભિઃ ।
એભ્યસ્ત્વન્યતમેનાપિ બ્રહ્મસાયુજ્યમશ્નુતે

નૃષુ કામાવલમ્બીનિ ધ્યાનયોર્મુદિતાહ્વયોઃ ।
ષડ્ભૌમાનિ તદન્યાનિ કેચિદિચ્છન્તિ સપ્તસુ

વિમોક્ષાઃ કથિતા અષ્ટૌ તેષાં દ્વાવશુભાત્મકૌ ।
તાવાદ્યધ્યાનયોરન્ત્યે તૃતીયો ઽલોભલક્ષણઃ

ચત્વારઃ કુશલારૂપા વિમોક્ષાખ્યા સમાહિતાઃ ।
નિરોધાખ્યસમાપત્તિર્વિમોક્ષઃ કથિતો ઽષ્ટમઃ

તસ્યાસ્તુ સંમુખીભાવઃ સૂક્ષ્મસૂક્ષ્માદનન્તરમ્ ।
વ્યુત્થાનચિત્તમપ્યસ્યાઃ સ્વં શુદ્ધં નિર્મલં ત્વધઃ

કામાવચરદૃશ્યાર્થા વિમોક્ષાઃ પ્રથમાસ્ત્રયઃ ।
અન્યે ત્વન્વયધીપક્ષસ્વોર્ધ્વદુઃખાદ્યવેક્ષિણાઃ

સૂત્રે ઽભિભવસંજ્ઞાખ્યં પ્રોક્તમાયતનાષ્ટકમ્ ।
વિમોક્ષાધિકવૃત્ત્યેતચ્ચિત્તૈશ્વર્યપ્રદર્શકમ્