108 Buddhist stotras · અધ્યાય 95

હાં હાં હાંકારનાદૈઃ કિલિકિલિતરવૈઃ ભૂતવેતાલવૃન્દૈર્ હુ હુંકારૈઃ સમન્તાન્નરપિશિતમુખૈ રક્તમાલાકુલાઙ્ગૈઃ ।
ખટ્વાઙ્ગસ્કન્નપાણિર્નરકરકધરઃ કામરૂપી વિરૂપી પિઙ્ગાક્ષઃ પિઙ્ગકેશઃ શવગણનલકઃ ક્ષેત્રપાલો ઽવતાદ્વઃ ॥

ફેં ફેં ફેંકારનાદૈઃ પ્રતિજનિતબૃહદ્વહ્નિગર્ભાઙ્ગવક્ત્રે માલાં કણ્ઠે નિધાય પ્રકટભયવપુર્ભૂષિતાઙ્ગોપશોભઃ ।
ઈષદ્રક્તાધરોષ્ઠો ઽસૃકસકલવૃતામાલિના મુક્તપાણિઃ ક્લીં ડાં ક્લીં ડાં નિનાદૈર્વરદહનભુવિ ક્ષેત્રપઃ પાતુ યુષ્માન્ ॥

ક્ષં ક્ષં ક્ષં ક્ષાન્તિમૂર્તિઃ કલકલકલકૃત્ ક્ષાન્તિવૃદ્ધિં પ્રકુર્વન્ । ક્રાન્તાક્રાન્તૈકવિશ્વઃ કહકહકથનો નીલજીમૂતવર્ણઃ ।
હ્રીં શ્રીં ક્લીં મન્ત્રદેહઃ પચ પચ દહનૈર્જાતમન્ત્રઃ સમન્તાદ્ વિઘ્નાનુત્સાર્યમાણઃ શમયતુ નિયતં શાત્રવાન્ ક્ષેત્રપાલઃ ॥

હા હા હા હાટ્ટહાસૈરતિશયભયકૃત્ સર્વદા ઽસત્પશૂનાં પાપાનામ્, વિઘ્નહન્તા પ્રતિદિવસમસૌ પ્રાપ્તસંબોધિલાભઃ ।
હું ફટ્ હુંફટનિનાદૈસ્ત્રિભુવનકુહરં પૂરયન્ પૂર્ણશક્તિઃ પાયાચ્છ્રીક્ષેત્રપાલઃ કપિલતરજટાજૂટક્લેશાઙ્ગભારઃ ॥

ખં ખં ખં ખઙ્ગપાણિર્લલલલલલિતો રૂપતો રક્તપાણિઃ રં રં રં રક્તનેત્રો રુ રુ રુધિરકરશ્ચર્ચિતશ્ચણ્ડવેગઃ ।
ક્રું ક્રું ક્રું ક્રોધદૃષ્ટિઃ કુહ કુહ કુટિલઃ કુઞ્ચિતાશેષદુષ્ટઃ ડં ડં ડં ડામરાઙ્ગો ડમરુકસહિતો રક્ષતાત્ ક્ષેત્રપાલઃ ॥

યં યં યં યાતિ વિશ્વં યમનિયમયુતો યામિનો ઽયામિનો વા વં વં વં વાતવેગો ઝટિતિ કરકધૃત્ પ્રાપ્તલોકોપચારઃ ।
ભ્રૂં ભ્રૂં ભ્રૂં ભીષણાઙ્ગો ભૃકુટિકૃતભયો મુક્તિવાન્ સાધકાનાં ક્ષં ક્ષં ક્ષં ક્ષેમકારી ક્ષપયતુ દુરિતં રક્ષતાત્ ક્ષેત્રપાલઃ ॥

ક્લાં ક્લાં ક્લાં ક્રાન્તિમૂર્તિસ્ત્રિભુવનમનિશં ક્લેદયન્ સર્વદા યઃ પં પં પં પાશહસ્તઃ પરશુધૃતકરઃ પાલયન્ પાલનીયાન્ ।
મુદ્રાણાં મન્ત્રમૂર્તિસ્ત્વમભિમતફલદો મન્ત્રિણાં મન્ત્રતુલ્યઃ ક્ષેત્રાણાં પાલકો ઽસૌ સકલજિતતનુઃ પાતુ યુષ્માંશ્ચિરાયુઃ ॥

ક્લીં ક્લીં ક્લીં કૃત્તિવાસા કૃતરિપુનિયમઃ ક્લેશિતાનાં સદેશઃ કં કં કં કપાલમાલી કલિકલુષહરઃ કાલવૃન્દાભકાયઃ ।
ચં ચં ચં ચણ્ડવેગઃ પ્રચરિતસમયાઃ કાલભૂતૈકલોકઃ સં સં સં સંયતાત્મા સમયશુભફલં લક્ષ્યતાં પાતુ યુષ્માન્ ॥

મન્ત્રાણાં મન્રકાયો નિયતયમદ્યુતિઃ સત્પથે શૂદ્ધતીરે આચાર્યઃ સાધકો વા જપતિ ચ નિયતં પુણ્યવાન્ જાયતે ઽસૌ ।
આયુઃ શ્રીઃ કીર્તિલક્ષ્મીર્ધૃતિબલમતુલં શાન્તિપુષ્ટી પ્રભા ચ સર્વજ્ઞત્વં ચ નિત્યં દિનનિશમતુલં નશ્યતે વિઘ્નજાતમ્ ॥