108 Buddhist stotras · અધ્યાય 94

ડાકી યા સર્વબુદ્ધા સકલભયહરા વ્યાપિની વિશ્વમાતા એકાસ્યા રક્તવર્ણા ત્રિનયનમુદિતા ખેચરી શ્રેષ્ઠશોભા ।
પ્રજ્વાલી દિવ્યદેહા ગગણકૃતપદા દ્વિભુજા મુક્તકેશા ખટ્વાઙ્ગં વામપાણૌ દહિનકરતિકાધારિણી સ્વર્ગરુપા ॥

નગ્નાઙ્ગા ગ્રીવમાલ્યા નરશિરસહિતા ભૂષણં પઞ્ચમુદ્ર્ સત્ત્વાનાં માર્ગમોક્ષા ઽનુત્તરવરદા જ્ઞાનસિદ્ધિપ્રદાતા (ત્રી) ।
શ્રીદેવી પ્રાણિરક્ષાકૃતજગતહિતા યોગિની વજ્રદીપ્તિ સ્ત્વત્પાદૌ પદ્મરૂપૌ પ્રણમિતશિરસા નૌમિ વિદ્યાધરીશે ॥

ભગવતી મહાદેવી ભવત્યાઃ શરણં વજ્રે ।
વન્દે પાદામ્બુજે નિત્યં ભજામિ ત્વાં પ્રસીદ મે ॥

જનની સર્વબુદ્ધાનાં ત્વમેવ બોધિદાયિની ।
સર્વેષાં બોધિસત્ત્વાનાં માતા હિતાનુપાલિની ॥

સર્વહિતાર્થસંભર્ત્રી સર્વપાપવિશોધિની ।
દુષ્ટમારગણાન્ ક્ષોભ્ય મહાનન્દસુખપ્રદા ॥

સદ્ધર્મસાધનોત્સાહે બલવીર્યગુણપ્રદા ।
નિઃક્લેશસ્તિમિતધ્યાનસમાધિસુખદાયિની ॥

પ્રજ્ઞાગુણમહારત્નશ્રીસમૃદ્ધિપ્રદાયિની ।
ભગવત્યાઃ પદામ્ભોજે શરણસ્થો ભજામ્યહમ્ ॥

નમામિ વજ્રવારાહીં સર્વપાપપ્રમોચનીમ્ ।
મારવિધ્વંસિનીં દેવીં બુદ્ધત્વફલદાયિનીમ્ ॥

નૌમિ શ્રીવજ્રવારાહીં મન્ત્રમૂર્તિં જિનેશ્વરીમ્ ।
અત્યન્તવરદાં દેવીં ઋદ્ધિસિદ્ધિવરપ્રદામ્ ॥

વૈરોચનકુલોદ્ભૂતાં મુક્તકેશીં ત્રિલોચનામ્ ।
સન્ધ્યાસિન્દૂરવર્ણાભાં વન્દે ત્વાં કુલિશેશ્વરીમ્ ॥

પઞ્ચમુદ્રશિરઃશોભાં સ્કન્ધે ખટ્વાઙ્ગધારિણીમ્ ।
કરે વજ્રકરોટસ્થાં વન્દે વજ્રવિલાસિનીમ્ ॥

મુદ્રાપઞ્ચધરાં દેહે મુણ્ડમાલાવિભૂષિતામ્ ।
લીલાહાસ્યમુખામ્ભોજાં વન્દે ત્રૈલોક્યસુન્દરીમ્ ॥

ભૈરવાદ્યાં ત્રિમુખીં ચ વિક્રાન્તિકણ્ઠચર્ચિકામ્ ।
વિદ્વેષઘનઘોરાં ચ વન્દે ભીમભયઙ્કરીમ્ ॥

રાગવિરાગયોર્મધ્યે ભાવાભાવવિખણ્ડિતામ્ ।
સમુદ્ભૂતાં સદા દેવીં વન્દે તાં જ્ઞાનડાકિનીમ્ ॥

પઞ્ચામૃતસુરાપાનપઞ્ચશાલિસુભોજિનીમ્ ।
ગીતવાદ્યરતાં નિત્યં વન્દે ત્વાં સુરવન્દિતામ્ ॥

સદૈવ સહજાનન્દાં નિત્યભૂતાં સર્વાલયામ્ ।
રણચ્ચરણનૂપુર્યાં વન્દે નૃત્યપરાયણામ્ ॥

ત્વાં દેવીં સિદ્ધિદાત્રીં ચ યોગાચારસદારતામ્ ।
બુદ્ધનિર્વાણદાત્રીં ત્વાં વન્દે બુદ્ધસ્ય માતરમ્ ॥

રક્તાઙ્ગીં વજ્રવારાહીં દિવ્યરૂપસ્વરૂપિણીમ્ ।
ક્રાન્તિમૂર્તિદયાદેવીં નમામિ વજ્રયોગિનીમ્ ॥

બન્ધૂકપુષ્પસઙ્કાશાં શાન્તરૂપાં જિનેશ્વરીમ્ ।
ઋદ્ધિસિદ્ધિપ્રદાં દેવીં નમામિ વજ્રયોગિનીમ્ ॥

દ્વાદશવર્ષસમ્પન્નાં નવનૃત્યસ્વરૂપિણીમ્ ।
ત્રૈલોક્યવ્યાપિનીં દેવીં નમામિ વજ્રયોગિનીમ્ ॥