108 Buddhist stotras · અધ્યાય 92

બ્રહ્માદિદેવમનુજાસુરપૂજિતાઙ્ગં જ્ઞાનાદિસર્વનિલયં ગુણરાજવન્તમ્ ।
જ્ઞાનાધિપં ગુણમયં ગુણવૃદ્ધિમન્તં વાગીશ્વરં સુરગુરું સતતં નમામિ ॥

વેદાદિશાસ્ત્રરચનાખિલમન્ત્રવિજ્ઞં સ્તોત્રૈઃ કથાદિભિરશેષસુગીતશબ્દમ્ ।
યં કીર્યયન્તિ મુનયો નરવાણ્યભિજ્ઞં વાગીશ્વરં સુરગુરું સતતં નમામિ ॥

જ્ઞાનપ્રધાનકશરીરમચિન્ત્યબુદ્ધિં વાચસ્પતિં દિવિ ભુવિ સ્તુતકીર્તિદં તમ્ ।
જ્ઞાનેશ્વરં ત્રિભુવનેશચરાચરં તં વાગીશ્વરં સુરગુરું સતતં નમામિ ॥

રત્નાદિશિલ્પપરિકલ્પનપૂર્ણજ્ઞેયં ચિત્રં વિચિત્રિતગુણં જનમાનનીયમ્ ।
સર્વજ્ઞકારકધરાદ્ હૃદિ બ્રહ્મપુઞ્જં વાગીશ્વરં સુરગુરું સતતં નમામિ ॥

ચર્યાવિધૌ રતિપતિં સ્થિરધૈર્યબોધિં ધ્યાનાધિપં વિવિધિના સુખરઞ્જનીયમ્ ।
વિદ્યાપ્રતિષ્ઠિતગુરું ભુવનેતિપૂર્ણં વાગીશ્વરં સુરગુરું સતતં નમામિ ॥

વાણીપતિં ભુજચતુષ્ટયબાણચાપં પુસ્તં કૃપાણમનિશં ક્રમશો દધાનમ્ ।
સર્વેષ્ટદં જગતિ યચ્ચણારવિન્દં વાગીશ્વરં સુરગુરું સતતં નમામિ ॥