108 Buddhist stotras · અધ્યાય 91

જગત્કૃતે સ્વયંભુવમનાદિલીનમવ્યયમ્ ।
તનોર્વિપજ્જરાત્મકૃત્સ્વયંભુવં નમામ્યહમ્ ॥

સહસ્રપત્રપઙ્કજં લસત્સુકર્ણિકોદ્ભવમ્ ।
સમસ્તકામનાપ્રદં સ્વયંભુવં નમામ્યહમ્ ॥

સહસ્રભાનુરઞ્જનં નિયુતચન્દ્રનન્દનમ્ ।
સુરાદિલોકવન્દનં સ્વયંભુવં નમામ્યહમ્ ॥

ત્વમેવ રાજસે ગુણૈર્ભુવિ સ્થિતો વિરાજસે ।
ત્રિધાતુક વિભાવસે સ્વયંભુવં નમામ્યહમ્ ॥

અયં ક ઇત્યયં હૃદા મીમાંસિતું ન શક્તવાન્ ।
પ્રઘાસમાત્રમીક્ષિતઃ સ્વયંભુવં નમામ્યહમ્ ॥

પઠન્તિ યે નરા મુદા સ્વયંભુવઃ સ્તુતિં સદા ।
ત્રિવર્ગસિદ્ધિમાપ્ય તે લભન્તિ મુક્તિમેવ તામ્ ॥