108 Buddhist stotras · અધ્યાય 88

વન્દે ઽહં તત્ત્વરૂપં તતવિતતભવં ભવ્યહવ્યસ્વભાવં બુદ્ધાનામાદિબુદ્ધં કૃતવિવિધહિતં તેજસાં સન્નિધાનમ્ ।
સમ્યક્સંબોધિમૂર્તિ ત્રિગુણવિલસિતં પઞ્ચજ્ઞાનૈકહેતું નૈરાકારં નિરઞ્જં ગગનવદનિશં નિર્મલં ચિત્તચૈત્યમ્ ॥

જ્યોતીરૂપે ત્વદીયે વિનિલયતપસા દાનશીલક્ષમાસુ વીર્યધ્યાનાખ્યપ્રજ્ઞોદધિકૃતતરણો માણિવૃન્દે સુજાતૌ ।
બોધિં પ્રાપ્તો ઽસ્મિ ચાસ્મિન્ સકલપૂરવરે ચાકનિષ્ઠે મહિમ્નિ વન્દે ત્વાં વિશ્વરૂપં સ્ફટિકમણિરિવોપાત્તનાનાપ્રભેદમ્ ॥

નાના વૈધ્યં સુપૂજ્યોપકરણમનિશં ઢૌકિતં સર્વલોકૈ કિં ચાહં ઢૌકયિષ્યે ત્વદનુનયમનાસ્ત્યક્તરાજ્યાદિદ્રવ્યઃ ।
જાતૌ જાતૌ ચ જાતૌ કૃતસુકૃતચયં કાયવાઙ્માનસૈસ્તૈ સ્તત્સર્વં ઢૌકયિષ્યે નિજતનુસહિતં સંગૃહાણ સુબુદ્ધે ॥

એકં યુગ્મં તૃતીયં યુગલયુગમથો પઞ્ચમં ષષ્ઠસંજ્ઞં સપ્તાષ્ટૌ વૈ નવાખ્યં દશમમથ તથૈકાદશં દ્વાદશાખ્યમ્ ।
ત્રાયોદશ્યં ચતુર્દશ્યમથ શરકમઠં ચૈકતઃ સંપ્રસૂતમ્ આનન્ત્યં સ્વં તદૈવં જગદખિલમભૂત્ ત્વાં નમે ચૈકરૂપમ્ ॥

એકો વૈરોચનાખ્યસ્તદપરજિનો બુદ્ધ અક્ષોભ્યસંજ્ઞઃ રત્નાદ્યઃ સંભવો ઽસૌ ત્રિતય અમૃતરુક્સંજ્ઞકસ્તુર્યસંખ્યઃ ।
પઞ્ચાખ્યો ઽમોઘસિદ્ધિસ્તદનુ ચ જગતિ ખ્યાતસંખ્યાદ્યસંખ્યા દેવા દૈત્યાશ્ચ મર્ત્યા ભવદવયવજાઃ સર્વદા ઽહં નતો ઽસ્મિ ॥