108 Buddhist stotras · અધ્યાય 87

શઙ્ખેન્દુકુન્દહિમસન્નિભચારુદેહાં હંસસ્થિતાં કમલપત્રસુરોચનીયામ્ ।
દિવ્યામ્બરાભરણભૂષિતસૌમ્યરૂપાં શ્રીશારદાં ભગવતીં સતતં નમામિ ॥

સંસારસાગરમહોદધિમગ્નસત્ત્વસન્તારિણીં સુરનરાર્ચિતપાદપદ્મામ્ ।
હારાર્દ્ધહારમણિકુણ્ડલમણ્ડિતાઙ્ગીં શ્રીશારદાં ભગવતીં સતતં નમામિ ॥

યા ભારતીતિ કથિતા જનની ચ લોકે મોહાન્ધકારભરભગ્નકૃતાં જનાનામ્ ।
સંકીર્તિતા મુનિભિરસ્તસમસ્તદોષૈઃ શ્રીશારદાં ભગવતીં સતતં નમામિ ॥

વીણાનુવાદનરતાં સ્ફટિકાક્ષમાલાસંધારિણીં કનકપુસ્તકધારિણીં ચ ।
રત્નૈઃ શુભૈઃ સુરુચિરાં કૃતહસ્તપદ્માં શ્રીશારદાં ભગવતીં સતતં નમામિ ॥

પૂજ્યા સદૈવ જનની પરિવન્દનીયા દેવ્યા ગણા મનસિ સંપરિમોદનીયાઃ ।
જીવાર્થિનઃ ફલભૃતો ગુણવર્ણના ચ શ્રીશારદાં ભગવતીં સતતં નમામિ ॥

નત્વા ભજેજ્જગતિ યો જનનીં પ્રસિદ્ધાં કુર્યાત્સદા ભગવતી કિલપઞ્ચસૌખ્યમ્ ।
સૌન્દર્યરૂપગુણવિત્તસુભોગભાજં શ્રી શારદાં ભગવતીં સતતં નમામિ ॥

પૂજોપહારવલિભિઃ પરિપૂજનીયા દેવ્યા ગણાદિકમનોજ્ઞસુવક્ત્રપદ્માઃ ।
યૈઃ પૂજિતા ભગવતી કિલ જાડ્યહન્ત્રી શ્રીશારદાં ભગવતીં સતતં નમામિ ॥

યસ્યાઃ પ્રસાદમવગમ્ય સુખપ્રદાયાસ્ત્રૈલોક્યનાથૌદિતાર્કસમપ્રભઃ સ્યાત્ ।
ધર્માર્થકામફલદામથ મોક્ષદાં ચ શ્રીશારદાં ભગવતીં સતતં નમામિ ॥