108 Buddhist stotras · અધ્યાય 85

નમે શ્રીઘન ત્વાં સદાભાવભક્તો ભવામ્ભોધિસેતું લસન્મોક્ષહેતુમ્ ।
ત્રિધાતું વિધાતું સુરક્ષાં વિરક્ષાં સુદક્ષં સુકક્ષાં સુજાતં સુદાન્તમ્ ॥

નમે દાનશીલક્ષમાધ્યાનવીર્યં મહજ્જ્ઞાનપારંગતં સૌગતત્વમ્ ।
ચતુર્બ્રહ્મવૈહારલોકોદ્ધરન્તં ચતુઃસત્યધર્મોપદેશં સુવેશમ્ ॥

નમે બોધિરાજં સુગમ્યે વિરાજંસુરમ્યે વને દેવરાજાદિગમ્યમ્ ।
ચતુર્થાસનસ્થં હિતાર્થં દિશન્તં કૃતાનેકસુસ્થં જગદ્રક્ષણસ્થમ્ ॥

ચતુર્મારલોકં મહદ્વીર્યવન્તં જયન્તં હસન્તં ત્રિજાલં ચ કાલમ્ ।
ક્ષમાનદ્ધદેહં નમે મુક્તગેહં ત્રિલોક્યૈકનાથં તથા શાક્યનાથમ્ ॥

નમે મારસૈન્યં જિતં યેન સર્વં નિરસ્ત્રેણ સાહાય્યમુક્તેન નૂનમ્ ।
ક્ષમાવર્મ મૈત્રીધનુર્ધારિણા ચ જગત્પાલિતું બોધિવૃક્ષસ્થિતેન ॥

નમે શીતવ્યઞ્જૈર્લસદ્દેહગેહં જને સ્નેહવન્તં વને ગેહવન્તમ્ ।
યુતં દ્વાધિકૈસ્ત્રિંશકૈર્લક્ષણાખ્યૈર્મહાદુર્લભં ત્રૈભવે લોકપૂજ્યમ્ ॥

નમે ધર્મમેઘાસ્થિતં સુપ્રતિષ્ઠં કલૌ નાથહીને ભવેયં સનાથઃ ।
તથા પાલિતું સ્વાં પ્રતિજ્ઞાં ચકાર જનિં શાક્યવંશે મહીપાવતંસે ॥

નમે ભાગ્યતો લભ્યતે દર્શનં તે તથા ભાગ્યભાજો સ્વયમેતિ બુદ્ધિઃ ।
સ્થિતો ધર્મમેઘે કથં દર્શનં સ્યાદ્ વિહીના ન તત્રાભિગન્તું પ્રશક્તાઃ ॥

ઇદાનીં ભવત્પાદપદ્મોત્થિતેન રજઃપુઞ્જકેન ત્રિલોકં પવિત્રમ્ ।
તથાસ્માચ્છિરાંસિ પવિત્રાણિ સત્યં ચરિષ્યામિ બોધિં ભવચ્છાસનેન ॥

ભુજઙ્ગપ્રયાતં કૃતં માધવેન પઠેદ્ યો જિનસ્યાગ્રતસ્થો હિ નિત્યમ્ ।
સદા મઙ્ગલં તસ્ય ગેહે સુદેહે પ્રસન્નાશ્ચ રક્ષાં કરિષ્યન્તિ બુદ્ધાઃ ॥

ત્રિજાલં ચ છિત્વા સુખાનિ પ્રભુક્ત્વા તથા દાનશીલાદિપારંગતાશ્ચ ।
મહાબોધિલબ્ધા જગત્પાલક્ષોદં ગમિષ્યન્તિ ચાન્તે સુખાવત્યુપાખ્યામ્ ॥