108 Buddhist stotras · અધ્યાય 83

નમામિ સૌગતં જિનં લસદ્વિતાનભાસુરં સહસ્રસૂર્યરોચિષં શશાઙ્કકોટિનિર્મલમ્ ।
સરોમકૂપમણ્ડલાદ્ ગલત્સુસૂક્ષ્મતેજસં સહસ્રનેમિચક્રિતાઙઘ્રિપદ્મપાણિશોભિતમ્ ॥

ભજામિ લોકનાયકં સશોકરોગનાશકં જરાવિપદ્ભયાન્તકં ભવાર્ણવપ્રતારકમ્ ।
પ્રબુદ્ધપઙ્કજાસનં વિબુદ્ધબોધિકાનનં ત્રિલોકલોકભાવનં જગત્ત્રયૈકપાવનમ્ ॥

નમો ઽસ્તુ પાલભું જગચ્ચકાર જન્મ માનવં વિશુદ્ધશાક્યસાગરે પયોનિધૌ શશી યથા ।
કથાસુધામયો ઽધુના વિનોદયિષ્યતે ભવાન્ ત્રિજાલમોહતામસં વિનાશયિષ્યસે જ્વલન્ ॥

સ્થિતાય બોધિમણ્ડપે હિતાય લોકસંચય જિતાય મારસૈન્યકં શ્રિતાય સત્તૃણાસનમ્ ।
સુજાતશાક્યભૂપતેર્યુતાય પારમાર્થકૈ ર્વૃતાય બોધિસંવરૈર્નમો ઽસ્તુ ધર્મરાજ તે ॥

ભજામિ ભવ્યભાવુકં ભવસ્ય ભાવભેદકં સુબોધિવૈભવોદ્ભવં સુભાદ્રિકં શુભાંશિકમ્ ।
ભવૌઘભારભેદિતું બભાર બોધિભારકં સુભદ્રભાનુભાસ્વરં સુભાવિતં શુભાવહમ્ ॥

જિનેન્દ્રમૂલમણ્ડપે લસદ્વિતાનવિસ્તૃતે સહસ્રકલ્પપાદપે પ્રપૂર્ણવત્પ્રશોભિતે ।
હિરણ્યરત્નવેદિકાકુશાસનસ્થિતં વિભું નમામિ શાક્યસૌગતં તથાગતં વરં સદા ॥

પઠન્તિ યે જિનાગ્રતો વિનિર્મિતં હરેણ તત્ સુપઞ્ચપઞ્ચચામરં ત્રિકાલમેવ મઙ્ગલમ્ ।
સુકીર્તિધર્મસંયુતં લસન્તિ સપ્ત વૃદ્ધયો વ્રજન્તિ તે સુખાવતીં સુખેન સત્સુખાવતીમ્ ॥