108 Buddhist stotras · અધ્યાય 81

નમસ્તે શાક્યસિંહાય ધર્મચક્રપ્રવર્તક ।
ત્રૈધાતુકં જગત્સર્વં શોધયેત્ સર્વદુર્ગતિમ્ ॥

નમસ્તે વજ્રોષ્ણીષાય ધર્મધાતુસ્વભાવક ।
સર્વસત્ત્વહિતાર્થાય આત્મતત્ત્વપ્રદેશક ॥

નમસ્તે રત્નોષ્ણીષાય સમન્તાત્તત્ત્વભાવનૈઃ ।
ત્રૈધાતુકં સ્થિતં સર્વમભિષેકપ્રદાયક ॥

નમસ્તે પદ્મોષ્ણીષાય સ્વભાવપ્રત્યભાષક ।
આશ્વાસયન્યઃ સત્ત્વેષુ ધર્મામૃતં પ્રવર્તયેત્ ॥

નમસ્તે વિશ્વોષ્ણીષાય સ્વભાવકૃતમનુસ્થિત ।
વિશ્વકર્મકરો હ્યેષ સત્ત્વાનાં દુઃખશાન્તયે ॥

નમસ્તે તેજોષ્ણીષાય ત્રૈધાતુકમભાષક ।
સર્વસત્ત્વ ઉપાયેષુ સત્ત્વદૃષ્ટં કરિષ્યતે ॥

નમસ્તે ધ્વજોષ્ણીષાય ચિન્તામણિધ્વજાધર ।
દાનેન સર્વસત્ત્વાનાં સર્વાશાપરિપૂરક ॥

નમસ્તે તૃષ્ણોષ્ણીષાય ક્લેશોપક્લેશછેદન ।
ચતુર્મારબલં ભગ્નં સત્ત્વાનાં બોધિપ્રાપ્તયે ॥

નમસ્તે છત્રોષ્ણીષાય આતપત્રં સુશોભનમ્ ।
ત્રૈધાતુક જગત્સર્વં ધર્મરાજત્વપ્રાપકમ્ ॥

લાસ્યા માલા તથા ગીતા નૃત્યા દેવીચતુષ્ટયમ્ ।
પુષ્પા ધૂપા ચ દીપા ચ ગન્ધાદેવી નમો ઽસ્તુ તે ॥

દ્વારમધ્યસ્થિતા યે ચ અંકુશપાશફોટકાઃ ।
શ્રદ્ધાભાવવિનિર્જ્ઞાતં દ્વારપાલ નમો ઽસ્તુ તે ॥

વેદિકાદૌ સ્થિતા યે ચ ચતસ્રો દ્વારપાલિકાઃ ।
મુદિતાદૌ દશ સ્થિત્વા બોધિસત્ત્વ નમોસ્તુ તે ॥

બ્રહ્મેન્દ્રરુદ્રચન્દ્રાર્કા લોકપાલાશ્ચતુર્દિશમ્ ।
અગ્ની રાક્ષસવાયુશ્ચ ભૂતાધિપતે નમોસ્તુ તે ॥

અનેન સ્તોત્રરાજેન સંસ્થિતો મણ્ડલાગ્રતઃ ।
વજ્રઘણ્ટાઘરો મન્ત્રી ઇદં સ્તોત્રમુદાહરેત્ ॥