108 Buddhist stotras · અધ્યાય 70

રૂપલક્ષણસંપૂર્ણો હીનોચ્ચસમસેવનઃ ।
સન્દર્શય સદા દાનં નમસ્તે દાનપારગ ॥

શબ્દલક્ષણસંપૂર્ણઃ સુશોભો ગુણસાગરઃ ।
સંશ્રાવય સદા શીલં નમસ્તે શીલપારગ ॥

ગન્ધલક્ષણસંપૂર્ણો દિવ્યપ્રાણો વિનાયકઃ ।
સંપ્રાપય જિન ક્ષાન્તિં નમસ્તે ક્ષાન્તિપારગ ॥

રસલક્ષણસંપૂર્ણઃ સુજિહ્વો ધર્મદેશકઃ ।
ભાષસ્વ સૌગતં ધર્મં નમસ્તે વીર્યપારગઃ ॥

સ્પર્શલક્ષણસંપૂર્ણઃ અનિરુદ્ધો નિરીહકઃ ।
સંસ્પર્શય જિન ધ્યાનં નમસ્તે ધ્યાનપારગ ॥

ધર્મલક્ષણસંપૂર્ણઃ સત્ત્વેષુ સમચિન્તકઃ ।
પ્રજ્ઞોપાયમહાપ્રાપ્ત નમસ્તે બુદ્ધિપારગ ॥

ષડભિજ્ઞસ્તવં યો ઽયં ત્રિસન્ધ્યં ભક્તિમાન્ પઠેત્ ।
સંસારબન્ધનં હિત્વા સ યાતિ પરમાં ગતિમ્ ॥