108 Buddhist stotras · અધ્યાય 69

સર્વભૂતમણિકમ્પિત તુભ્યં ક્ષાન્તિમેવ ચરિતં તવ રૂપમ્ ।
સર્વરૂપવરદિવ્યસુરૂપં તં નમામિ દશબલવરરૂપમ્ ॥

ભૃઙ્ગરાજશિખિમૂર્ધ્નિ સુકેશં કોકિલાભશિખિદિવ્યસુકેશમ્ ।
સ્નિગ્ધનીલમૃદુકુઞ્ચિતકેશં તં નમામિ દશબલવરકેશમ્ ॥

શઙ્ખકુન્દકુમુદં વિમરોમં જન્મદુઃખવિગતં વિમરોમમ્ ।
રોગશોકવિમતે વિમરોમં તં નમામિ દશબલવરરોમમ્ ॥

પૂર્ણચન્દ્રદ્યુતિશોભિતવક્ત્રં તુઙ્ગનાસમણિભાશુભવક્ત્રમ્ ।
બુદ્ધપઙ્કજિનભામરવક્ત્રં તં નમામિ દશબલવરવક્ત્રમ્ ॥

રશ્મિસહસ્રવિચિત્રસુમૂર્ધ્નિ પુષ્પવર્ષશતપૂજિતમૂર્ધ્નિ ।
રત્નવર્ષશતપૂજિતમૂર્ધ્નિ તં નમામિ દશબલવરમૂર્ધ્નિ ॥

નેત્રપતાકવિલમ્બિતશીર્ષં કાઞ્ચનછત્રવરોપિતશીર્ષમ્ ।
નેત્રવિતાનસુશોભિતશીર્ષં તં નમામિ દશબલવરશીર્ષમ્ ॥

દિવ્યામ્બરમુકુટં મણિમુકુટં ચન્દ્રપ્રભામુકુટામણિમુકુટમ્ ।
આગતશીર્ષમખણ્ડિતમુકુટં તં નમામિ દશબલવરમુકુટમ્ ॥

ચારુદલાયતપઙ્કજનેત્રં દિવ્યજ્ઞાનવિપુલાયતનેત્રમ્ ।
ધ્યાનમોક્ષશુભસંસ્કૃતનેત્રં તં નમામિ દશબલવરનેત્રમ્ ॥

શુદ્ધકર્ણશુભશુદ્ધસુકર્ણં શુદ્ધપ્રજ્ઞવરશોભિતકર્ણમ્ ।
શુદ્ધજ્ઞાનવરશુદ્ધસુકર્ણં તં નમામિ દશબલવરકર્ણમ્ ॥

શુભ્રકુન્દશશિપઙ્કજદન્તં તીક્ષ્ણસુલક્ષણનિર્મલદન્તમ્ ।
વિશ્વપઞ્ચદશપઞ્ચસુદન્તં તં નમામિ દશબલવરદન્તમ્ ॥

ઉચ્ચવાક્યસસુરાસુરજિહ્વાં ધર્મજ્ઞાનકૃતપાપદજિહ્વામ્ ।
ગન્ધધૂપસસુરાસુરજિહ્વાં તં નમામિ દશબલવરજિહ્વામ્ ॥

મેઘસુદુન્દુભિનાદિતઘોષં સત્યધર્મનયસુવિદિતઘોષમ્ ।
દિવ્યવાદિપરવાદિતઘોષં તં નમામિ દશબલવરઘોષમ્ ॥

ગ્રીવગ્રીવદશગ્રીવસુગ્રીવં ક્ષાન્તિવીર્યં તવ ગ્રીવસુગ્રીવમ્ ।
હેમવર્ણમણિગ્રીવસુગ્રીવં તં નમામિ દશબલવરગ્રીવમ્ ॥

સિંહકાયહિમકુન્દસુકાયં ધ્યાનકાયગુણસાગરકાયમ્ ।
અષ્ટસુલક્ષણનિર્મલકાયં તં નમામિ દશબલવરકાયમ્ ॥

શ્વેતરક્તશુભશોભિતવસ્ત્રં નીલપીતહરિતાયિતવસ્ત્રમ્ ।
હારધવલશુભશોભિતવસ્ત્રં તં નમામિ દશબલવરવસ્ત્રમ્ ॥

હેમનાગકરસંસ્કૃતબાહૂ પુષ્પદાનકૃતશોભિતબાહૂ ।
ધીરવીર્યસુમનોહરબાહૂ તં (તૌ) નમામિ દશબલવરબાહૂ ॥

ચામરચક્રસુશોભિતહસ્તં વિમલસુકોમલપઙ્કજહસ્તમ્ ।
ભૂતપ્રેતશરણાગતહસ્તં તં નમામિ દશબલવરહસ્તમ્ ॥

રાગદ્વેષતનુવર્જિતચિત્તં કલ્પકોટિસમભાવિતચિત્તમ્ ।
શીલજ્ઞાનસમભાવિતચિત્તં તં નમામિ દશબલવરચિત્તમ્ ॥

પદ્મનાભશુભશોભિતનાભં પદ્મયોનિશુભશોભિતનાભમ્ ।
બ્રહ્મજ્યોતિસુશોભિતનાભં તં નમામિ દશબલવરનાભમ્ ॥

ચક્રસુલક્ષણભૂષિતપાદં અઙ્કુશશક્તિવિરાજિતપાદમ્ ।
નાગયક્ષગણવન્દિતપાદં તં નમામિ દશબલવરપાદમ્ ॥

ભાસ્કરદ્યુતિરાજિતપાદં દેવદાનવગણવન્દિતપાદમ્ ।
સર્વદેવગણવન્દિતપાદં તં નમામિ દશબલવરપાદમ્ ॥

સર્વદેવગણપૂજિતશીર્ષં સૂર્યકોટિસમભાવિતશીર્ષમ્ ।
દિવ્યજ્વાલજ્વલિતાર્પિતશીર્ષં તં નમામિ દશબલવરશીર્ષમ્ ॥

પુષ્પધૂપશતપૂજિતશીર્ષં દીપગન્ધશતપૂજિતશીર્ષમ્ ।
માલ્યવસ્ત્રશતપૂજિતશીર્ષં તં નમામિ દશબલવરશીર્ષમ્ ॥

ત્રિભુવનધર્મકલાભ્યુષ્ણીષરત્નછત્રમુકુટાદિપૂજિતમ્ ।
યે પઠન્તિ સુગતસ્તવમેનં તે લભન્તિ શુભમોક્ષપથાધિગમમ્ ॥