108 Buddhist stotras · અધ્યાય 71

પઙ્કેરુહસ્થાય પદામ્બુજાય બન્ધૂકપુષ્પારુણસુન્દરાય ।
સરોજહસ્તાય જટાધરાય નમો ઽસ્તુ તસ્મૈ કરૂણામયાય ॥

કાપુત્રદેશોદ્ભવમઙ્ગલાય જિનેન્દ્રરૂપાય તથાગતાય ।
સંસારદુઃખાર્ણવપારગાય નમો ઽસ્તુ તસ્મૈ કરૂણામયાય ॥

સમન્તભદ્રાય સુરાર્ચિતાય સુવર્ણગ્રૈવેયકભૂષિતાય ।
ચૂડામણિશીર્ષધરાય તુભ્યં નમો ઽસ્તુ તસ્મૈ કરૂણામયાય ॥

સૌન્દર્યસાન્દ્રાય વૃષાસનાય ભક્તાર્તિહન્ત્રે ચ તથાગતાય ।
મહાર્હરત્નૈઃ પરિમણ્ડિતાય નમો ઽસ્તુ તસ્મૈ કરૂણામયાય ॥

સત્કણ્ઠકણ્ઠાય મનોહરાય ત્રૈલોક્યસંપૂજિતસમ્પદાય ।
કારુણ્યસંપૂર્ણહૃદમ્બુજાય નમો ઽસ્તુ તસ્મૈ કરૂણામયાય ॥

સ્તોત્રં પ્રચક્રે ભુવિ શંખકર્મ પુણ્યાર્થતો યચ્છતરાજધીમાન્ ।
યે યે પઠિષ્યન્તિ નરાઃ પ્રયત્નાત્ તે તે ગતાઃ શ્રીસુરહર્મ્યરમ્યમ્ ॥