108 Buddhist stotras · અધ્યાય 67

મયા કૃતાનિ પાપાનિ કાયવાકચિત્તસંચયૈઃ ।
તત્સર્વં હર મે નાથ રક્ષ માં લોકનાયક ॥

નેપાલે દ્વાદશાબ્દેષુ અનાવૃષ્ટિર્મહાભયમ્ ।
નરેન્દ્રદેવં સંસ્થાપ્ય રક્ષ માં લોકનાયક ॥

મર્ત્યભૂમૌ ચ પાતાલે દુઃખિનો બહુલૌકિકાઃ ।
સુખવૃદ્ધિકરસ્તેષાં રક્ષ માં લોકનાયક ॥

યત્ર યત્ર ગતસ્તત્ર સર્વસત્ત્વાનુકમ્પયા ।
સમુદ્ધરસિ પાપેભ્યો રક્ષ માં લોકનાયક ॥

સંસારે વ્યાપિતો ઽહં તુ કથં પારં પ્રયાસ્યતે ।
ત્વમેવ શરણં તત્ર રક્ષ માં લોકનાયક ॥

સર્વદેવમયસ્ત્વં હિ સર્વબુદ્ધમયસ્તથા ।
સર્વસિદ્ધિમયશ્ચૈવ રક્ષ માં લોકનાયક ॥

સદા કૃપામયસ્ત્વં હિ સદા રક્ષામયો ઽસિ ચ ।
સદા પ્રજ્ઞામયસ્ત્વં હિ રક્ષ માં લોકનાયક ॥

યેન યેન કૃતં કર્મ તેન તેનૈવ ધારિતમ્ ।
યદ્યદિચ્છાં પ્રદાતાસિ રક્ષ માં લોકનાયક ॥

સુખાવતીં ન સંપ્રાપ્તં યાવદ્ધિ સર્વસત્ત્વકમ્ ।
તાવત્સંસારગર્તે ઽસ્મિન્ રક્ષ માં લોકનાયક ॥

જ્ઞાનિનાં જ્ઞાનરૂપો ઽસિ દુઃખિનાં દુઃખહારકઃ ।
કામિનાં કામરૂપો ઽસિ રક્ષ માં લોકનાયક ॥

પૂજનીયો ઽસિ લોકેશ પ્રણવસ્ય સ્વરૂપધૃક્ ।
વન્દનીયઃ સદા ત્વં હિ રક્ષ માં લોકનાયક ॥

ભર્તિ વા ભર્તિકો વાપિ મિત્રં વા શત્રુકો ઽપિ વા ।
સર્વત્ર ચ દયાયુક્તો રક્ષ માં લોકનાયક ॥

લોકનાથ જગત્સ્વામિન્ સુભક્તિકૃતચેતસા ।
ત્વાં નમામિ પુનર્ભૂયો રક્ષ માં લોકનાયક ॥

અનેકદુઃખભાગસ્મિ ભીષ્મૈર્વૈ કષ્ટસંકટૈઃ ।
દયસ્વ ચાવલોકેશ મોચયસ્વ ચ માં ક્ષણાત્ ॥

સર્વદેક્ષાસુસમ્પાતં વર્તયન્ કુરુ મે ઽક્ષયમ્ ।
અસ્તુ તે કરુણા મહ્યં ભક્તિં ચૈવાચલાં કુરુ ॥