108 Buddhist stotras · અધ્યાય 66

અમરૌઘૈઃ પૂજિતાં ત્વાં નતો ઽસ્મિ પ્રતિપદજનરક્ષાકારિણીં સર્વકાલમ્ ।
ભૃગુદહનસમુદ્રાપાતદુઃખે સુરક્ષાં રિપુવિષભયહત્રીં રાજ્યભોગાદિકર્ત્રીમ્ ॥

પરિવૃતનિજવર્ગાન્ ભક્તદત્તાપવર્ગાન્ કલિતદુરિતવર્ગાન્ મોક્ષલાભૈકમાર્ગાન્ ।
કૃતનરસુરસર્ગાન્ કારિતાનઙ્ગભઙ્ગાન્ સ્તુતિકૃતમુનિગર્ગાન્ સર્વરક્ષૈકસઙ્ગાન્ ॥

પ્રહૃતસકલવિઘ્ને સર્વલોકૈકમાન્યે દશબલકૃતધન્યે પઞ્ચદેવીવરેણ્યે ।
વિષમપદશરણ્યે સર્વદા ત્વાં નમસ્યે વસિત ઇવ અરણ્યે દાવદગ્ધે વિરસ્યે ॥

સકલજનસુવાઞ્છાપૂરણે કામધેનુમભિલષિતફલાપ્ત્યૈ કલ્પવૃક્ષાગ્રવલ્લીમ્ ।
અસુરસુરનરાદ્યૈર્વન્દિતાઙ્ઘ્ર્યબ્જયુગ્મામુરસિ લલિતાનાનારત્નમાલાદિયુક્તામ્ ॥

ઉડુપતિશતદીપ્તાં શઙ્ખકુન્દાવદાતાં ગ્રહભયપરિશાન્તાં વજ્રસત્ત્વાત્મિકાં તામ્ ।
શ્રવણલલિતલોલે કુણ્ડલે સંવહન્તીં મુકુટમણિશિખાભિઃ કાશિતાં તાં નમામિ ॥

જનનિ સકલદુઃખાત્તારણી ત્વં પ્રસીદ સપદિ વિગતરક્ષાં રક્ષ મે માતરં ચ ।
સકરુણરુદિતં માં ત્વદ્દયાસ્વસ્થભૂતં કૃતસરસિનિપાતાં ત્વં ગતિસ્ત્વં ગતિર્નૌ ॥

પઠતિ પ્રતિસરાયાઃ સ્તોત્રમેતત્સદા યો જ્વલનજલવિષાણાં ચોરશાર્દૂલકાનામ્ ।
સગદનિધનકાનાં ભીતયા નાશયન્તી પ્રતિપદમલભગ્નં કામુના ધૈર્યલાભમ્ ॥

નિજજનપરિયુક્તા ધર્મકામાર્થવૃદ્ધા રિપુગણપરિમુક્તા સૌખ્યમેવ પ્રભુક્તા ।
દદતિ વિપુલભોગ્યં કામદા સર્વદા ઽસૌ નિહતસકલપાપં મોક્ષમાયાન્તિ ચાન્તે ॥

વિગલિતનયનામ્બુઃ સાઞ્જલિઃ સંવિલાપી સ્તુતિમિતિ પ્રચકાર ત્રૈભવાનાં જનન્યાઃ ।
ભવતુ મમ તુ સંપત્ સર્વભાવા કૃશાનો તનુ કુશલસુરક્ષા ઇત્થમેવં સુચિત્તઃ ॥

વિપચતુ મયિ સર્વં માદૃશં કર્મ ભોગ્યં સસુરનરચયાનાં ભ્રાતૃમાતૃદ્રુહાણામ્ ।
કુરુત કુરુત ધૈર્યં યેન મોક્ષં સુલભ્યં જઠરનિલયવાસં માસ્તુ પાપં કદાચિત્ ॥

ઉદરનરકવાસં યે તદા સાવતારં સતતશુભસુચેતાઃ સાધયિષ્યામિ બોધિમ્ ।
કૃતજગતિ સુરક્ષાં યેન કૈવલ્યપ્રાપ્તિઃ ઇતિ મુદિતસુચેતાઃ કર્મણા દિગ્ધચિત્તઃ ॥

પ્રતિસર અવતાર્યાં સામ્બિકાં મા વિલમ્બ અનિશમિતિવદન્ સો નિન્દયન્ વૈ સ્વકર્મ ।
પ્રતિભયવિષદિગ્ધસ્તસ્થિવાનર્ભકઃ સન્ મુહુરિહ હિ શરણ્યાં તાં સ્મરન્ સર્વરક્ષામ્ ॥

અહો સુધન્યા જગદેકમાતા પ્રક્રાન્તદૈવા રિપુવર્ગભીતા ।
યસ્યાઃ પ્રભાવાદ્વિહિતાત્યપાપાત્ પ્રયાતિ વહ્નિર્જલશીતલત્વમ્ ॥

પ્રભાવતાહો પુનરેવ તસ્યાઃ વહ્નિં જલં ચાપિ ગિરિં સ્થલં વૈ ।
યસ્યાઃ સ્મૃતેનૈવ સવિસ્મતીયાન્ વૈશ્વાનરઃ પ્રાપ દ્વિધાકૃતિં તામ્ ॥

ગોપાશરીરં હ્રદપાતશીતં શૈતં ત્વનાશાર્થમિવાધિકોષ્ણામ્ ।
દૈવાદિદત્તાભિજને સમન્તાન્નિતાન્તદૂરાદતિપાપદત્તામ્ ॥