108 Buddhist stotras · અધ્યાય 62

બ્રહ્માણી તત્ત્વરૂપા વિવિધઘનરવા ઘોરચણ્ડી ચ રૌદ્રી કૌમારી કીર્તિકામા પિબતિ મધુમદં વૈષ્ણવી ગાયમાના ।
વારાહી વાદયન્તી પટુતરપટહાન્ નૃત્યમાના તથૈન્દ્રી ચામુણ્ડા ચાપિ લક્ષ્મીર્હરગણસહિતા માતરો વઃ પુનન્તુ ॥

ગણપતિં ચ હેરમ્બં વિઘ્નરાજં વિનાયકમ્ ।
દેવપુત્રં મહાવીર્યં મહાબલપરાક્રમમ્ ॥

મહોદરં મહાકાયમેકદન્તં ગજાનનમ્ ।
શ્વેતવર્ણં મહાદીપ્તિં ત્રિનેત્રં ગણનાયકમ્ ॥

અક્ષમાલા(ચ) વરદં દક્ષિણકરસંસ્થિતમ્ ।
પરશુર્મુણ્ડપાત્રં ચ વામહસ્તવિધારણમ્ ॥

નાનાપુષ્પરતં દેવં નાનાગન્ધાવલેપનમ્ ।
નાગયજ્ઞોપવીતાઙ્ગં નાનાવિઘ્નવિનાશનમ્ ॥

દેવાસુરમનુષ્યૈશ્ચ સિદ્ધગન્ધર્વકિન્નરૈઃ ।
પૂજિતં વિઘ્નહન્તારં મૂષકાટં નમામ્યહમ્ ॥

બ્રહ્માણી બ્રહ્મસાવિત્રી બ્રહ્મતત્ત્વવિવેદિની ।
ચતુર્ભુજા ચતુર્વક્ત્રા ચતુર્દેવપરાયણા ॥

ચતુર્દેશે ચિરં વ્યાપી ચતુર્યુગોપકારિણી ।
હંસયુક્તવિમાનસ્થા સૌમ્યરૂપા પિતામહી ॥

પુસ્તકં પુષ્પમાલાં ચ વરદાભયધારિણી ।
પીતપુષ્પરતા દેવી પીતાઙ્ગા પીતસન્નિભા ॥

પીતોપહારસંયુક્તા પીતગન્ધાનુલેપિની ।
ઉદુમ્બરદ્રુમસ્થા ચ પ્રયાગક્ષેત્રવાસિની ॥

પૂર્વપીઠે સ્થિતા નિત્યં બ્રહ્મશક્તિર્નમો ઽસ્તુ તે ।
માહેશ્વરી મહાદેવી મોહમાયાનિરંજ(કૃંત) ની ॥

મહાવૃષસમારૂઢા મહાહુંકારનાદિની ।
હેમમુક્ત(ક્તા)નિભદેહા કપાલશશિશેખરા ॥

ત્રિલોચના ત્રિશુલી ચ અક્ષસૂત્રકમણ્ડલૂ ।
નાનાલઙ્કારસર્વાઙ્ગી દક્ષિણેન વરપ્રદા ॥

સૃષ્ટિસ્થિતિવિનાશાનાં સર્વથાપીશ્વરેશ્વરી ।
શ્વેતપુષ્પરતા દેવી શ્વેતગન્ધાનુલેપિની ॥

શ્વેતવસ્ત્રપરીધાના મુદ્રાભરણભૂષિતા ।
વારાણસ્યાં મહાક્ષેત્રે તાર(લ)વૃક્ષનિવાસિની ॥

ઉત્તરે સંસ્થિતા પીઠે માહેશ્વરી નમો ઽસ્તુ તે ।
બાલભાવે મહારૌદ્રી કૌમારી રક્તલોચની ॥

રક્તવર્ણધરા દેવી સિન્દૂરારૂણવિગ્રહા ।
ચતુર્ભુજા શક્તિસૂત્રસિદ્ધપાત્રધરા શુભા ॥

કૌમારી પરમા શક્તિર્મયૂરવરવાહિની ।
રક્તવસ્ત્રપરીધાના રક્તમાંસાવસાયિની ॥

કોલાપુરમહાક્ષેત્રે વટવૃક્ષનિવાસિની ।
અગ્નિપીઠસ્થિતા નિત્યં કૌમારી તે નમો નમઃ ॥

વૈષ્ણવી વિષ્ણુમાયા ચ દૈત્યદુર્દાન્તનાશિની ।
હરિતશ્યામવર્ણાઙ્ગી ગરુડોપરિ સંસ્થિતા ॥

શઙ્ખચક્રગદાહસ્તા ચતુર્બાહુવિભૂષિતા ।
રક્તજ્વાલા મહાક્રીડા નાનાભરણભૂષિતા ॥

હરિતપુષ્પગન્ધા ચ હરિતવસ્ત્રધારિણી ।
અટ્ટહાસે મહાક્ષેત્રે કદમ્બવૃક્ષવાસિની ॥

સ્વર્ગે મર્ત્યે ચ પાતાલે સ્થિતિરૂપેણ સંસ્થિતા ।
તિષ્ઠન્તી પીઠનૈરૄત્યે નારાયણી નમો ઽસ્તુ તે ॥

વારાહી ઘોરરક્તાઙ્ગી રક્તકેશી મહોદરી ।
દંષ્ટ્રાવાદિની ગમ્ભીરા રક્તનેત્રા ત્રિલોચની ॥

કપાલમાલિકા માલા વિચિત્રપુષ્પશોભિતા ।
મહાશૂકસમારૂઢા જ્વલિતાગ્નિસમપ્રભા ॥

અઙ્કુશકર્તિકાદણ્ડહાડાભરણભૂષિતા ।
ત્રિનેત્રા જ્વલિતદેહા ચ દુષ્ટદર્પવિનાશિની ॥

જયન્તીક્ષેત્રસંસ્થાના નિમ્બવૃક્ષસમાશ્રિતા ।
યામ્યપીઠે સ્થિતા નિત્યં કોલરૂપી નમો ઽસ્તુ તે ॥

શક્રેશ્વરી સહસ્રાક્ષો કુઙ્કુમારુણવિગ્રહા ।
સુરેશ્વરી દેવદેવી સર્વાલઙ્કારભૂષિતા ॥

ચતુર્ભુજા વિશાલાક્ષી છત્રઘણ્ટાવિધારણી ।
મહાવજ્રધરા દેવી સ્થિતા ચૈરાવતે ગજે ॥

નાનાપુષ્પરતા દેવી નાનારત્નવિભૂષિણી ।
નાનાગન્ધવિલિપ્તાઙ્ગી નાનાવસ્ત્રવિરાજિની ॥

ચીર(ન)ક્ષેત્રે મહાક્ષેત્રે કરઞ્જવૃક્ષસંસ્થિતા ।
નાગપીઠસ્થિતા નિત્યં શક્રેશ્વરિ નમો ઽસ્તુ તે ॥

ચામુણ્ડા ચણ્ડિકા ચણ્ડી પ્રચણ્ડસુરસુન્દરી ।
ચણ્ડાટ્ટહાસા ચણ્ડાક્ષી પ્રચણ્ડચણ્ડનાશિની ॥

દંષ્ટ્રાકરાલા રક્તાઙ્ગી કપિલકેશી મહોદરી ।
કૃષા(પા)ણી ભીષણી રૌદ્રી જિહ્વાલલનભીષણા ॥

મહાપ્રેતાસનારૂઢા ભુજાષ્ટકસુશોભિની ।
અસિચર્મયુતા હસ્તૈઃ ડમરુખટ્વાઙ્ગધારિણી ॥

કર્તિકપાલહસ્તા ચ વરદાભયભૂષિતા ।
હાડાલઙ્કારસર્વાઙ્ગી અરિપ્રત્યસુદા પ્રિયા ॥

સહસ્રસૂર્યસંકાશા રોપકૂપં પ્રતિ પ્રતિ ।
જ્વાલામાલાકુલા દેહે(સૂર્ય)કોટિસમપ્રભા ॥

ભૂતવેતાલડાકિન્યઃ પરિવારાશ્ચ રાક્ષસાઃ ।
એકમક્ષમહાક્ષેત્રે અશ્વત્થવૃક્ષવાસિની ।
પીઠે મરુતસંસ્થાને ચામુણ્ડાયૈ નમો ઽસ્તુ તે ॥

મહાલક્ષ્મીર્મહાદેવી ભોગાઢ્યા ગુણસુન્દરી ।
વૈદૂર્યપાદુકારૂઢા સિંહાસનસ્થિતા સુધીઃ ॥

ચતુર્ભુજા વિશાલાક્ષી ખડ્ગખેટકધારિણો ।
પાત્રબિન્દુધરા દેવી હાર્ધયુક્(હારાર્ધયુગ)કુણ્ડલી ॥

રત્નખચિતસર્વાઙ્ગી ચૂડામણિવિભૂષિતા ।
વિચિત્રપુષ્પરત્ના ચ વસ્ત્રગન્ધાનુલેપના ॥

ત્રૈલોક્યવ્યાપિની દેવી સર્વસ્થા સચરાચરા ।
સિદ્ધગન્ધર્વનમિતા વિદ્યાધરસુરાર્ચિતા ॥

દેવીકોટમહાક્ષેત્રે પ્લક્ષસંસ્થા વરા બલા ।
ઈશાનપીઠસંસ્થાના મહાલક્ષ્મીઃ નમો ઽસ્તુ તે ॥

જનની સર્બબુદ્ધાનાં સર્વસન્તોષકારિણી ।
ત્વમેવ સર્વરૂપા ચ ત્વમેવ વિશ્વરૂપિણી ॥

ભૈરવં ભીષણં રૌદ્રં ઘોરગમ્ભોરરૂપિણમ્ ।
નિરઞ્જનનિભં દેહં સર્વકામમહોત્સવમ્ ॥

નાનાભુજસમાકીર્ણા નાનાવસ્ત્રધરા શુભા ।
બભ્રુરર્ધશિરોરૂહા દાવાગ્નિસમતેજસા ॥

ત્રિલોચના મહાતેજા અગ્નિસૂર્યસમપ્રભા ।
ત્રિશૂલં મુણ્ડં ખટ્વાઙ્ગં ડમરું તર્જનીં ધ્વજમ્ ॥

પ્રજ્ઞાં તત્પુસ્તકં ચૈવ ખડ્ગચર્મધરા શુભા ।
પાશાઙ્કુશધરં દેવં વજ્રસૂચીમહાધરમ્ ॥

કપાલકર્તિકં ચક્રં ગજચર્માવગુણ્ઠિતમ્ ।
દંષ્ટ્રાકરાલવદનં વ્યાઘ્રચર્મકટીવૃતમ્ ॥

સાલઙ્કારેણ સર્વાઙ્ગં નરાસ્થિપુષ્પશોભિતમ્ ।
શીર્ષમાલાધરા દેવી કાપાલિકોટરં શુભમ્ ॥

ચૂડામણિં મહાતેજં કપાલં ચન્દ્રભૂષિતમ્ ।
મહાપ્રેતાસનં નિત્યં નીયમાના સદા પ્રિયા ॥

સહસ્રસૂર્યસંકાશા છત્રબિન્દુસમન્વિતા ।
ચતુષ્પીઠસ્થિતા નિત્યમ્ અષ્ટક્ષેત્રનિવાસિની ॥

અષ્ટમૂર્તિસ્થિતા દેવી અષ્ટકયોગિનીપ્રિયા ।
ભદ્રપીઠે સ્થિતા નિત્યં ભદ્રકાલીસમાવૃતા ॥

ભદ્રકારણકર્તા ત્વં વીરભદ્ર નમો ઽસ્તુ તે ।
અસિતાઙ્ગો રુરુશ્ચૈવ ચણ્ડો ઽથ ક્રોધભૈરવઃ ॥

ઉન્મત્તભૈરવશ્ચૈવ કપાલી ભીષણસ્તથા ।
સંહારભૈરવઞ્ચાષ્ટભૈરવાય નમો ઽસ્તુ તે ॥

સ્વસ્થાના સ્વાધિકારા ચ સ્વસ્વરૂપા સ્વવીરકા ।
સ્વસ્વચ્છવૃક્ષતાનં ન દિવ્યાક્ષં ચૈવ ભૂમિગાઃ ॥

દશદિક્ક્ષેત્રપાલં ચ ક્ષેત્રાણિ ચ ચતુર્દશ ।
પઞ્ચાશક્ષેત્રપાલં ચ ક્ષેત્રપાલ નમો ઽસ્તુ તે ॥

નાથનાથ મહાનાથ આદિનાથ મહામતે ।
શ્રીનાથ સિદ્ધનાથ મીનનાથ નમો ઽસ્તુ તે ॥

ક્ષેત્રનાથ પીઠનાથ દ્વીપનાથ મહાત્મને ।
પ્રેતનાથ ભૂતનાથ બઢનાથ નમો ઽસ્તુ તે ॥

ત્રિનાથં નવનાથં ચ ષોડશનાથમુત્તમમ્ ।
સપ્તવિંશતિપઞ્ચાશચતુરશીતિ નમો ઽસ્તુ તે ॥

સર્વેષાં નાથસિદ્ધાનાં મતં ચક્ષુસ્ત્વમવ્યયમ્ ।
પોતસદ્મ તથા વીરસ્તતઃ સર્વ નમો ઽસ્તુ તે ॥

એકવારં દ્વિવારં ચ ત્રિવારં યઃ પઠેન્નરઃ ।
શતમાવર્તયેદ્ યેન પ્રાપ્નોતિ ફલમુત્તમમ્ ॥

નાશયેચ્છોકચિન્તાદિ નાશયેદ્ વિઘ્નમણ્ડલમ્ ।
નાશેયેદ્ રોગકલહાન્ નાશયેદ્ દુઃખદુષ્કરમ્ ॥

નાશયેદ્ ભયદારિદ્રયં નાશયેદ્ રિપુજં ભયમ્ ।
નાશયેદગ્નિચૌરાદિ નાશયેદ્ રાજકોપજમ્ ॥

નાશયેદ્ વિગ્રહં ઘોરં પરકૃતાભિચારકમ્ ।
નાશયેદ્ દ્વેષરાગાદિ નાશયેત્ સર્વપાતકમ્ ॥

આયુરારોગ્યમૈશ્વર્યધનધાન્યપ્રવર્ધનમ્ ।
ધર્માર્થકામમોક્ષાણાં યશઃસૌભાગ્યવર્ધનમ્ ॥

ઋદ્ધિં સિદ્ધિં શ્રિયં લક્ષ્મીં વિદ્યાં જ્ઞાનં સુતાદિ ચ ।
બુદ્ધિં પ્રજાં સુમિત્રાણિ વર્ધયેચ્ચ દિને દિને ॥

નાકાલે મરણં ચૈવ ઉત્પાતં નાશયેત્ સદા ।
સર્વે રોગાઃ પ્રશામ્યન્તિ દીર્ઘમાયુરવાપ્યતે ॥