108 Buddhist stotras · અધ્યાય 63

જય સિદ્ધસુરાસુરલોકગુરું કમલાસનસંસ્થિતપાદયુગમ્ ।
દશપારમિતાદિકપદ્મધરં પ્રણમામિ સદા વરકારુણિકમ્ ॥

બહુકોટિનરાધિપલબ્ધવરં જય સુસ્થિતસુસ્થિતનાથમુનિમ્ ।
ભવસાગરપારગતાધિકરં શરણાગતસત્ત્વહિતાર્થકરમ્ ॥

કમલાસનચારુસુરુપધરં અમિતાભતથાગતમૌલિધરમ્ ।
કમલોજ્જ્વલભૂષિતગાત્રવરં નવભાસ્કરશોભનદીપ્તિકરમ્ ॥

મૃદુતામ્રનખાઙ્ગુલિશોભમુખં શશિબિમ્બસમપ્રભસૌમ્યમુખમ્ ।
ષડભિજ્ઞગુણાકરવન્દ્યતનું વરસુસ્થિતનૂપુરહારયુતમ્ ॥

મણિકુણ્ડલમણ્ડિતગણ્ડયુગં ઘનગર્જિતતુલ્યગભીરરુતમ્ ।
ગિરિગહ્વરદ્યોતનિવાસકૃતં વૃષવાહનહંસમૃગાયુશતમ્ ॥

ઋષિદેવગણાધિપસંસ્તુતિકં જિનરૂપધરાત્મકબોધિપરમ્ ।
દ્વિપદોત્તમનાથસુરાધિપતિં બહુસત્ત્વવિમોચનમુક્તિકરમ્ ॥

ધ્વજછત્રસુશોભિતવામકરં મલયાગિરિચન્દનધૂપરતિમ્ ।
કમલોત્પલપાટલિદામધરં પ્રણમામ્યથ પાટલિવૃદ્ધિકરમ્ ॥

જ્વરરોગવિવર્જિતકુષ્ઠહરં બહુબોધિમનાઘનભદ્રકરમ્ ।
નવદુર્ગતિનાશનમાર્ગપ્રદં કરુણાતથતાદ્વયવિશ્વપતિમ્ ॥