108 Buddhist stotras · અધ્યાય 55

દારિદ્રયપઙ્કસંમગ્નં સંસારાખ્યમહોદધૌ ।
પ્રતિજ્ઞાતં સમુત્પાદે ત્રાહિ માં હિ તથાગત ॥

તિમિરાગારસંવિષ્ટમનર્થદુઃખવેદિનમ્ ।
બન્ધુવર્ગૈઃ પરિત્યક્તં ત્રાહિ માં હિ તથાગત ॥

માતાપિતૃભગિન્યાદિ પુત્રદારસુહૃજ્જનાઃ ।
ઇન્દ્રજાલસમા દૃષ્ટાસ્ત્રાહિ માં હિ તથાગત ॥

મયા અરિજનસ્યાર્થે સુકૃતં કર્મ દુષ્કૃતમ્ ।
એકાકી તં હિ ભોક્ષ્યામિ ત્રાહિ માં હિ તથાગત ॥

જીર્ણકૂપે મહાઘોરે અનવગાહસાગરે ।
અન્ધીભૂતો ઽસ્મ્યહં નાથ ત્રાહિ માં હિ તથાગત ॥

જીર્ણનૌઇકાસમારૂઢો મહાસાગરલંઘને ।
દુર્લઙ્ઘ્યં ચ મયા દૃષ્ટં ત્રાહિ માં હિ તથાગત ॥

ધર્માધર્મ ન વિજ્ઞાતં ગમ્યાગમ્યં ન વેદિતમ્ ।
અચેતનો ઽસ્મ્યહં નાથ ત્રાહિ માં હિ તથાગત ॥

માતૃઘાતાદિકં પઞ્ચાનન્તર્યં વા મયા કૃતમ્ ।
પચ્યામિ નરકે ઘોરે ત્રાહિ માં હિ તથાગત ॥

કૃતં મયા સ્તૂપભેદં સંઘકાર્યં વિનાશિતમ્ ।
કૃતા મયા સત્ત્વહિંસા ત્રાહિ માં હિ તથાગત ॥

ઇહલોકે સુખૈર્હીનં પરલોકે ન વેદનમ્ ।
વેષ્ટિતં કર્મસૂત્રેણ ત્રાહિ માં હિ તથાગત ॥

કાશપુષ્પં યથાકાશે ભ્રમતે વાયુના હતમ્ ।
ઈદૃશં જીવિતં લોકે ત્રાહિ માં હિ તથાગત ॥

અટવી કંટકાચ્છન્ના બહુવૃક્ષસમાકુલા ।
પન્થાનં નાત્ર પશ્યામિ ત્રાહિ માં હિ તથાગત ॥

અનપરાધાઃ કુપિતેન મયા ઽકાણ્ડે હતા મૃગાઃ ।
રાજહત્યાં તદા મન્યે ત્રાહિ માં હિ તથાગત ॥

નરકે પચ્યમાનસ્ય કશ્ચિત્ ત્રાતા ભવિષ્યતિ ।
ગચ્છામિ શરણં કસ્ય ત્રાહિ માં હિ તથાગત ॥

વૈદ્યાનાં વૈદ્યરાજસ્ત્વં સર્વવ્યાધિચિકિત્સકઃ ।
લોકનાથ ભવત્રાતા ત્રૈલોક્યે સચરાચરે ॥