108 Buddhist stotras · અધ્યાય 54

નિરાલમ્બનિરાકારનિર્વિકલ્પસ્વરૂપિણી ।
નૈરાત્મા વરદા દેવી નિત્યમેવ નમો ઽસ્તુ તે ॥

એકવક્ત્રાં ત્રિનેત્રાં ચ ઊર્ધ્વપિઙ્ગલમૂર્ધજામ્ ।
કરે કર્તિકપાલાં ચ નમામિ વિશ્વમાતરીમ્ ॥

નવનૃત્યભૂષિતાં ચ સહસ્રમુખરૂપિણીમ્ ।
યોગેશ્વરીં યોગગમ્યાં નમામિ જ્ઞાનરૂપિણીમ્ ॥

શવારૂઢાં મહાતેજાં સર્વદુષ્ટનિકૃન્તનીમ્ ।
સર્વપાપહરાં દેવીં નમામિ જગદીશ્વરીમ્ ॥

ગૌરીં ચૌરીં ચ વેતાલીં ઘસ્મરીં પુક્કસીં તથા ।
શબરીં ચાણ્ડાલીં ડોમ્બીં નમામિ ચાષ્ટયોગિનીમ્ ॥

બ્રહ્માવિષ્ણુશિવશક્રચતુર્મારવિનાશિનીમ્ ।
ત્રૈલોક્યમોહિનીં દેવીં નમામિ સુરસુન્દરીમ્ ॥

અક્ષમાલવિભૂષાઙ્ગીમ્ અકારબીજસમ્ભવામ્ ।
નિત્યં ધ્યાનરતાં દેવીં નમામિ વિશ્વમાતરીમ્ ॥

સર્વભૂતપ્રિયાં દેવીં સર્વમન્ત્રપ્રબોધિનીમ્ ।
સર્વમન્ત્રમયીં માતર્નૈરાત્માં ત્વાં નમામ્યહમ્ ॥