108 Buddhist stotras · અધ્યાય 52

શશધરમિવ શુભ્રં ખડ્ગપુસ્તાકપાણિં સુરુચિરમલિશાન્તં પઞ્ચચીરં કુમારમ્ ।
પૃથુતરવરમોક્ષં પદ્મપત્રાયતાક્ષં કુમતિદહનદક્ષં મઞ્જુઘોષં નમામિ ॥

કૃતમૃગરિપુયાનં દત્તભક્તપ્રદાનં સુરદનુજનૃયાનં બોધિસત્ત્વપ્રધાનમ્ ।
અખિલગુણનિધાનં સર્વવિદ્યાવિતાનં કરસરસિજબાણં મઞ્જુઘોષં નમામિ ॥

વિભૃતસકલકોષં ક્ષાલિતાજ્ઞાનદોષં સ્મરણભજનતોષં દૂરરાગાદિદોષમ્ ।
વિહિતસસુરપોષં સિદ્ધિદાખ્યાનયોષં કૃતજડપરિશોષં મઞ્જુઘોષં નમામિ ॥

ગણપતિશરજન્મશ્રીમહાકાલસિંહૈઃ પરિવૃતમિવ ચન્દ્રાભાભમિન્દીવરાક્ષમ્ ।
અસિશરજપમાલાપુસ્તકં સંવહન્તમ્ ઉરસિ લલિતમાલં મઞ્જુઘોષં નમામિ ॥

સુરપતિશમનાયાપ્યેષ મિત્રાગ્નિરક્ષઃ પવનપ્રમથપાલૈઃ સંવૃતં સ્મેરવક્ત્રમ્ ।
ખગપતિરથગાત્રં બ્રહ્મવન્દ્યં રમોમા વિહિતચરણભક્તં મઞ્જુઘોષં નમામિ ॥

યદસિકઠિનધારાચ્છેદમાર્ગાભિવાહા(હઃ) સકલસલિલધારાપાતિતાઙ્ગાઙ્ગમન્ત્રઃ ।
બહુપરિચયસ્થલ્યાં ભૂમિનદ્યાપિ રેજે બહુતરમહિમાનં મઞ્જુઘોષં નમામિ ॥

ભવદભિનવનુત્યા તોષિતા ગુહ્યદેવી નિખિલનિગમસારા સુપ્રકાશા ઽતિરેજે ।
ભવજલનિધિપારં દાનકલ્પદ્રુમાગ્રં ગલિતબહુમહોગ્રં મઞ્જુઘોષં નમામિ ॥

વિભજતિ જનલોકો ધર્મધાતું મહેશં દશશતદલપદ્મે સંસ્થિતં જ્યોતિરૈશમ્ ।
તદપિ તવ પ્રશસ્તં દેવમાહાત્મ્યમીશં વિભજતિ ભુજગેશં મઞ્જુઘોષં નમામિ ॥

પઠતિ યદિદમિષ્ટં માલિનીપદ્યબન્ધં સ ભવતિ કવિરાજો વાદિસિંહાસનસ્થઃ ।
સકલવિસભાસુ પ્રોજ્જ્વલદ્વાક્સુધારઃ કલિતસકલવિદ્યો ભૂષણો ભવ્યદક્ષઃ ॥