108 Buddhist stotras · અધ્યાય 51

શ્રીમઞ્જુનાથકમલાસનરત્નમૌલિર્વિદ્યાધિપો ભુવનમણ્ડલચક્રવર્તી ।
ધ્યાનાધિપોચિતવિરાજિતસૌમ્યરૂપો વન્દામહે સુરનરાસુરવન્દિતાર્યમ્ ॥

બાલાકૃતિઃ કુવલયોજ્જ્વલલોલહસ્તઃ કેયૂરહારમણિકુણ્ડલઘૃષ્ટગણ્ડઃ ।
ખાદંશ્ચ ષોડશરદં સુકુમારરૂપં વન્દામહે સુરવરાર્ચિતમઞ્જુઘોષમ્ ॥

રોમાગ્રકૂપવિવરે પરિવર્તમાનં વિશ્વપ્રપઞ્ચકરણં સુગતાત્મજસ્ય ।
ત્રૈવિદ્યમન્ત્ર તવ નાથ ગુણાર્ણવેણ સૂક્ષ્માય બુદ્ધતનયાય નમો ઽસ્તુ તસ્મૈ ॥

ગમ્ભીરધર્મનયમાર્ગસુખપ્રતિષ્ઠં જ્ઞાનોદધિં નિખિલસત્ત્વકૃતાર્થકારમ્ ।
પ્રજ્ઞાનિધાનગુણસાગરમપ્રમેયં મઞ્જુશ્રિયં જિનસુતં સતતં નમામિ ॥

વિદિતસકલતત્ત્વઃ ક્ષિપ્તસન્તાપસત્ત્વસ્ત્રિભુવન ઉપકારી સર્વદુઃખાપહારી ।
મદનમથનવીરશ્ચારુરૂપઃ સુચીરસ્ત્રિભુવનજનતોષઃ પાતુ માં મઞ્જુઘોષઃ ॥

બાલેન્દુરુચિરાભાસં વરાભરણભૂષિતમ્ ।
પ્રજ્ઞાબ્જામલપત્રાક્ષં વન્દે મઞ્જુશ્રિયં સદા ॥

પાત્રં વામકરે યસ્ય ભ્રમન્નઞ્જલિસંનિભમ્ ।
નામ્ના તે સર્વતો લક્ષ્મીર્મઞ્જુઘોષં નમામ્યહમ્ ॥

ખડ્ગપુસ્તકહસ્તાય ચન્દ્રમણ્ડલવર્તિને ।
અજ્ઞાનધ્વાન્તસૂર્યાય મઞ્જુઘોષાય તે નમઃ ॥

જ્ઞાનોત્તરપ્રભાકેતું પ્રણિધાનમતિં તથા ।
શાન્તેન્દ્રિયં મઞ્જુઘોષં ભક્તિતઃ પ્રણમામ્યહમ્ ॥