108 Buddhist stotras · અધ્યાય 50

મઞ્જુશ્રીર્લોકનાથો જિનવરમકુટો જમ્ભલો વજ્રસત્ત્વ મૈત્રેયો વજ્રપાણિઃ સુખકરકમલો રાહુલો ભદ્રપાલઃ ।
બુદ્ધો વૈરોચનાદ્યસ્ત્રિભુવનનમિતઃ ક્ષીણનિઃશેષદોષ સ્તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

હૃષ્ટો હૂંકારવજ્રઃ પશુપતિદમકો વજ્રઘણ્ટા ચ હૃષ્ટ્ પીતો હાલાહલાસ્યો રિપુગણમથનો ટક્કિરાજો મહાત્મા ।
અક્ષોભ્યો રત્નકેતુઃ પ્રતિદિનમચલો ગણ્ડહસ્તિર્યમારિ સ્તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

સંઘસ્ત્રૈલોક્યબન્ધુર્ગુણગણનિલયો બોધિચિત્તઃ સુચિત્તઃ બોધિશ્ચાનન્દસિદ્ધો વિજિતકલિમલો હેરુકો નીલદણ્ડઃ ।
બુદ્ધઃ સારઙ્ગરાજો વિજિતજિનગુણો સર્વસત્ત્વાનુકમ્પી તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

પ્રજ્ઞા ચન્દ્રાવતારા તદનુજભૃકુટી જ્ઞાનસંભારભાર્ મારીચી મારમારા સકલભયહરા પીતવર્ણા ત્રિવક્ત્રા ।
માયૂરી મામકી ચ ક્ષપિતરિપુગણા પાણ્ડરા રોચનાદ્યા સ્તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

ગાન્ધારી જાઙ્ગુલી ચ ભુજગહૃતફણા ખડ્ગપાશાઙ્કુશોગ્રા વારાહી વજ્રહસ્તા અસિપરશુધરા ધર્મધાત્વીશ્વરી ચ ।
કેયૂરી જ્ઞાનસારા ધ્વજનિહિતકરા ષટ્કરા શાબરી ચ તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

વૈણ્યા માલ્યા સુગીતા પ્રથિતજિનવરે શાબરી ધૂપવજ્રા વૈતાલી ગન્ધવજ્રા પ્રહસિતવદના સ્વર્ગતિરાર્યતારા ।
લક્ષ્મીર્બુદ્ધસ્ય બોધિઃ સકલભયહરા શારદા દીપવજ્રા તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

વૈશાલ્યાં ધર્મચક્રે પ્રથિતનિજબલે પર્વતે ગૃધ્રકૂટે શ્રાવસ્ત્યાં લુમ્બિનીકે ક્ષિતિનિહિતકરા કોંકણે બોધિવૃક્ષા ।
શ્રીવત્સાશ્વત્થપત્રં સુરવરનમિતં શ્રીફલં શઙ્ખચક્રં તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥

છત્રં દૂર્વા ચ પદ્મં ધ્વજમપિ નિહિતં લો(રો)ચના મત્સ્યકૂર્મ વારાહઃ પૂર્ણકુમ્ભો મુનિવરવચનં વજ્રઘણ્ટાનિનાદઃ ।
બુદ્ધાનાં પ્રાતિહાર્યં સુરવરનમિતં હાસ્યલાસ્યે વિલાસા સ્તુષ્ટાઃ સર્વાર્થસિદ્ધિં દદતુ સમરસા મઙ્ગલં બોધિસત્ત્વાઃ ॥