108 Buddhist stotras · અધ્યાય 45

નમસ્યામિ મહાકાલં સર્વસમ્પત્તિદાયકમ્ ।
ખર્વં લમ્બોદરં નીલમષ્ટનાગવિભૂષિતમ્ ॥

દ્વિભુજૈકમુખં વીરં કપાલકૃતશેખરમ્ ।
વ્યાઘ્રચર્મકટીવેષ્ટં શતાર્ધમુણ્ડમાલિનમ્ ॥

ભાવાભાવપરિચ્છિન્નં જગત્સંબોધકારકમ્ ।
સર્વભાવાત્મકં નાથં જગન્નાથ નમો ઽસ્તુ તે ॥

કૃષ્ણવર્ણં મહાતેજં સિદ્ધસાધકરક્ષકમ્ ।
કર્તિકપાલિનં નાથં મહાકાલ નમો ઽસ્તુ તે ॥

વ્યાઘ્રચર્મામ્બરધરં મહાક્રોધસ્વરૂપિણમ્ ।
દ્વાદશાદિત્યસંકાશં મહાકાલ નમો ઽસ્તુ તે ॥

મહાદંષ્ટ્રાકરાલાસ્યં લલજ્જિહ્વં સભૈરવમ્ ।
મહારક્તાભનયનં મહાકાલ નમો ઽસ્તુ તે ॥

વિભ્રન્નરશિરોમાલાં નાગરાજવિભૂષિતમ્ ।
શ્મશ્રુતુન્દિલકં વન્દ્યં મહાકાલ નમો ઽસ્તુ તે ॥

સભ્રૂભઙ્ગં ત્રિનેત્રં ચૈવોર્ધ્વપિઙ્ગોર્ધ્વકેસરમ્ ।
યુગાન્તાનલપુઞ્જાભં મહાકાલ નમો ઽસ્તુ તે ॥

ત્રાસકં સર્વદૈત્યાના(મસ્થ્ય)સૃઙ્માંસભક્ષકમ્ ।
રક્ષિતારં ભક્તિમતાં મહાકાલ નમો ઽસ્તુ તે ॥

સિદ્ધિસાધનમન્ત્રસ્ય વિહેઠીજ્યનરાશનમ્ ।
યુગ્મસ્યાશ્વાસદાતારં મહાકાલ નમો ઽસ્તુ તે ॥

સંસારજલધેઃ પારં નૌકા યાનૈકગામિની ।
નૌકાયાને સ્વતેજાસ્ત્વં મહાકાલ નમો ઽસ્તુ તે ॥

મહાકાલસ્તવં ચૈતદ્ યઃ પઠેદ્ ભક્તિમાન્ નરઃ ।
ભયાર્તો મુચ્યતે ભીતેરરિચિન્તા નિવર્તતે ॥

મહાકાલં નમસ્કૃત્ય યથોક્તકુલજન્મતઃ ।
તેન સુજન્મા ભવતિ સર્વસિદ્ધિપરાયણઃ ॥