108 Buddhist stotras · અધ્યાય 44

વજ્રસત્ત્વ મહાવજ્ર વજ્રનાથ સુસાધક ।
વજ્રાભિષેક વજ્રાભ વજ્રકેતુ(તો) નમો ઽસ્તુ તે ॥

હાસવજ્ર મહાધર્મ વજ્રકોશ મહાવર ।
સર્વમણ્ડલરાજાગ્ર્ય નિષ્પ્રપઞ્ચ નમો ઽસ્તુ તે ॥

વજ્રકર્મ મહારક્ષ ચણ્ડયક્ષ મહાગ્રહ ।
વજ્રમુષ્ટિ મહામુદ્ર સર્વમુદ્ર નમો ઽસ્તુ તે ॥

બોધિચિત્ત મહાબોધે બુદ્ધ સર્વતથાગત ।
વજ્રયાન મહાજ્ઞાન મહાયાન નમો ઽસ્તુ તે ॥

સર્વાર્થ સર્વતત્ત્વાર્થ મહાસત્ત્વાર્થ સર્વવિત્ ।
સર્વજ્ઞ સર્વકૃત્ સર્વ સર્વદર્શિ નમો ઽસ્તુ તે ॥

વજ્રાત્મક સુવજ્રાગ્ર્ય વજ્રવીર્ય સુવજ્રધૃક્ ।
મહાસમય તત્ત્વાર્થ મહાસત્ય નમો ઽસ્તુ તે ॥

વજ્રાઙ્કુશ મહાકામ સુરતે સુમહાપ્રભ ।
વજ્રપ્રભ પ્રભોદ્યોત બુદ્ધપ્રભ નમો ઽસ્તુ તે ॥

વજ્રરાજાગ્ર્ય વજ્રાગ્ર્ય વિદ્યાગ્ર્યાગ્ર્ય નરોત્તમ ।
વજ્રોત્તમ મહાગ્ર્યાગ્ર્ય વિદ્યોત્તમ નમો ઽસ્તુ તે ॥

વજ્રધાતો મહાગુહ્ય વજ્રગુહ્ય સુગુહ્યધૃક્ ।
વજ્રસૂક્ષ્મ મહાધ્યાન વજ્રકાર્ય નમો ઽસ્તુ તે ॥

બુદ્ધાગ્ર્ય બુદ્ધવજ્રાગ્ર્ય બુદ્ધબોધે મહાબુધ ।
બુદ્ધજ્ઞાન મહાબુદ્ધ બુદ્ધબુદ્ધ નમો ઽસ્તુ તે ॥

બુદ્ધપૂજા-મહાપૂજા-સત્ત્વપૂજાસુપૂજક ।
મહોપાય મહાસિદ્ધે વજ્રસિદ્ધિ નમો ઽસ્તુ તે ॥

તથાગત મહાકાય તથાગતસરસ્વતે ।
તથાગતમહાચિત્ત વજ્રચિત્ત નમો ઽસ્તુ તે ॥

બુદ્ધાધિપ જિનાજ્ઞાકૃદ્ બુદ્ધમિત્ર જિનાગ્રજ ।
મહાવૈરોચન વિભો શાન્તરૌદ્ર નમો ઽસ્તુ તે ॥

તથાગતમહાતત્ત્વ ભૂતકોટે મહાનય ।
સર્વપારમિતાજ્ઞાન પરમાર્થ નમો ઽસ્તુ તે ॥

સમન્તભદ્ર ચર્યાગ્ર્ય માર મારપ્રમદર્ક ।
સર્વાગ્ર્ય સમતાજ્ઞાન સર્વત્રગ નમો ઽસ્તુ તે ॥

બુદ્ધહુંકર હુંકાર વજ્રહુંકર દામક ।
વિશ્વવજ્રાડ્ગ વજ્રોગ્ર વજ્રપાણે નમો ઽસ્તુ તે ॥

વન્દયઃ પૂજ્યશ્ચ માન્યશ્ચ સત્કર્તવ્યસ્તથાગતૈઃ ।
યસ્માદ્ વજ્રદૃઢં ચિત્તં વજ્રસત્ત્વસ્ત્વમુચ્યસે ॥

ત્વદધીના હિ સંબોધિઃ પિતા ત્વં સર્વદર્શિનામ્ ।
સંભૂતાઃ સંભવિષ્યન્તિ ત્વામાસાદ્ય તથાગતાઃ ॥

અનેન સ્તોત્રરાજેન યઃ સ્તુયાદ્બૈ સુભક્તિતઃ ।
યો ગાયંસ્તુ સ્તુયાત્ સો ઽપિ ભવેદ્વજ્રધરોપમઃ ॥

અધ્યેષયામસ્ત્વાં નાથ સર્વબુદ્ધવશંકરમ્ ।
સર્વસત્ત્વાર્થકાર્યાર્થમુત્પાદય સ્વકં કુલમ્ ॥