108 Buddhist stotras · અધ્યાય 32

તૃષ્ણાજિહ્વમસદ્વિકલ્પશિરસં પ્રદ્વેષચઞ્ચત્ફલં કામક્રોધવિતર્કદર્શનમથો રાગપ્રચણ્ડેક્ષણમ્ ।
મોહાસ્યં સ્વશરીરકોટિશતચિન્તાતિગં દારુણં પ્રજ્ઞામન્ત્રબલેન યઃ શમિતવાન્ બુદ્ધાય તસ્મૈ નમઃ ॥

બુદ્ધં પ્રબુદ્ધં વરધર્મરાજં શાન્તં વિશુદ્ધં સમકીર્તિદં તં ।
ગુણાકરં સત્ત્વમુનીન્દ્રરાજં શ્રીમન્મહાબોધિમહં નમામિ ॥

યો જાત્યાદિકદુઃખતપ્તમહસાં ચક્ષુઃ સતાં પ્રાણિનાં યસ્ત્રૈધાતુકપઞ્જરાદહરહઃ સત્ત્વાન્ સમાકર્ષતિ ।
અત્રાણં ચ જગત્સમુદ્ધરતિ યઃ સંક્લેશદુઃખાર્ણવાત્ સંબુદ્ધાંશ્ચ પુનશ્ચ્યુતાચ્ચ મહતે ધર્માય તસ્મૈ નમઃ ॥

યા સર્વજ્ઞતયા નયત્યુપશમં શાન્તૈષિણઃ શ્રાવકાન્ યા માર્ગજ્ઞતયા જગદ્ધિતકૃતા લોકાર્થસમ્પાદિકા ।
સર્વાકારમિદં વદન્તિ મુનયો વિશ્વસ્ય યા સંગતા તસ્યૈ શ્રાવકબોધિસત્ત્વગણિનો બુદ્ધસ્ય માત્રે નમઃ ॥

ચત્વારઃ પ્રત્યુત્પન્નગા ભવસુખે સુસ્વાદવિદ્વેષિણ શ્ચત્વારશ્ચ ફલે સ્થિતાઃ શમરતાઃ શાન્તા મહાયોગિનઃ ।
ઇત્યષ્ટૌ વરપુંગલા ભગવતા યસ્મિન્ ગણે વ્યાકૃતાઃ પ્રજ્ઞાશીલસમાધિતપ્તવપુષા સંઘાય તસ્મૈ નમઃ ॥

બુદ્ધં નમામિ સતતં વરપદ્મપાણિં મૈત્ર્યાત્મકં ગગનગંજસમન્તભદ્રમ્ ।
યક્ષાધિપં પરિહિતોદ્ધૃતમઞ્જુઘોષં વિષ્કમ્ભિણં ક્ષિતિગર્ભં પ્રણમામિ ભક્ત્યા ॥

ગુરુર્બુદ્ધો ગુરુર્ધર્મો ગુરુઃ સંઘસ્તથૈવ ચ ।
ગુરુર્વજ્રધરઃ શ્રીમાન્ તસ્મૈ શ્રીગુરવે નમઃ ॥