108 Buddhist stotras · અધ્યાય 31

ભગવતિ બહુરૂપે નિર્વિકારે નિરઞ્જે નિમિતનિખિલરૂપે નિશ્ચયાતીતરૂપે ।
અખિલનિગમપારે નિત્યનિત્યસ્વભાવે ચરણકમલયુગ્મં નૌમિ દેવિ ત્વદીયમ્ ॥

હસિતમુખશશાઙ્કં જ્યોત્સ્નયા રાત્રિભૂતં દશશતકિરણોદ્યદ્વક્ત્રમાધ્યન્દિનં તે ।
અરુણવદનશોભા ઔદયી ચાસ્તકાલે ચરણકમલયુગ્મં નૌમિ દેવિ ત્વદીયમ્ ॥

ગલજઠરપદેષુ સ્વર્ગમર્ત્યાહિલોકાઃ સકલભગણદન્તા રોમરાજી દ્રુમાસ્તે ।
ગિરય ઇવ નિતમ્બા રક્તશુક્લાઃ સમુદ્રાશ્ ચરણકમલયુગ્મં નૌમિ દેવિ ત્વદીયમ્ ॥

પવનદહનવેગાઃ શ્વાસપ્રશ્વાસ એવ પ્રલયપ્રભવકાલો મીલનોન્મીલનાભ્યામ્ ।
દ્વિદશતપનભૂતા ભીમવક્ત્રાસ્ત્વદીયાશ્ ચરણકમલયુગ્મં નૌમિ દેવિ ત્વદીયમ્ ॥

અનુપમતનુદેહં વ્યાપ્યમાનં સમન્તાન્ નિખિલનિગમસારં દર્શયન્ દેવિ દિવ્યમ્ ।
ત્રિભુવનમખિલં તે દર્શિતુમેતિ બુદ્ધિશ્ ચરણકમલયુગ્મં નૌમિ દેવિ ત્વદીયમ્ ॥

વિધિમુખવિબુધાસ્તે કિંકરાઃ પાદસંસ્થા મુકુટવિધૃતબુદ્ધે સર્વમાર્ગા હિ શુદ્ધે ।
કિમુ તવ મહિમાનં વર્ણયે ગુહ્યદેવિ ચરણકમલયુગ્મં નૌમિ દેવિ ત્વદીયમ્ ॥

અનુપઠતિ સમાપ્તૌ પૂજને ભક્તિમાન્ યો નુતિમતિ વિતગોતિ સ્પષ્ટમેવાસ્ય બુદ્ધિઃ ।
સકલજનજનન્યા ભક્તિસમ્પત્તિમુચ્ચૈઃ કરતલવશગાસ્તાઃ સિદ્ધિપુષ્ટયૌ લભન્તે ॥