108 Buddhist stotras · અધ્યાય 30

ખર્વં સ્થૂલતરં ગજેન્દ્રવદનં લમ્બોદરં સુન્દરં વિધ્નેશં મધુગન્ધલુબ્ધમધુપવ્યાલોલગણ્ડસ્થલમ્ ।
દન્તોદ્ઘાટવિદારિતાહિતજનં સિન્દૂરશોભાકરં વન્દે શૈલસુતાસુતં ગણપતિં સિદ્ધિપ્રદં કામદમ્ ॥

હેરમ્બઃ પરમો દેવઃ કાર્યસિદ્ધિવિધાયકઃ ।
સૈભાગ્યરુપસમ્પન્નાં દેહિ મે સુખસમ્પદમ્ ॥

એકદન્તં મહાકાયં લમ્બોદરં ગજાનનમ્ ।
સર્વસિદ્ધિપ્રદાતારં ગઙ્ગાપુત્રં નમામ્યહમ્ ॥

વન્દે તં ગણનાથમાર્યમનઘં દારિદ્રયદાવાનલં શુણ્ડાદણ્ડવિધૂયમાનશમલં સંસારસિન્ધોસ્તરિમ્ ।
યં નત્વા સુરકોટયઃ પ્રભુવરં સિદ્ધિં લભન્તે પરાં સિન્દૂરારૂણવિગ્રહં પરિપતદ્દાનામ્બુધારાહૃતમ્ ॥

ઉચ્ચૈર્બ્રહ્માણ્ડખણ્ડદ્વિતયસહચરં કુમ્ભયુગ્મં દધાન પ્રેષન્નાગારિપક્ષપ્રતિભટવિકટશ્રોત્રતાલાભિરામઃ ।
દેવઃ શમ્ભોરપત્યં ભુજગપતિતનુસ્પર્દ્ધિવર્ધિષ્ણુહસ્ત સ્ત્રૈલોક્યાશ્ચર્યમૂર્તિર્જયતિ ત્રિજગતામીશ્વરઃ કુઞ્જરાસ્યઃ ॥

ગણપતિશ્ચ હેરમ્બો વિધ્નરાજો વિનાયકઃ ।
દેવીપુત્રો મહાતેજા મહાબલપરાક્રમઃ ॥

મહોદરો મહાકાયશ્ચૈકદન્તો ગજાનનઃ ।
શ્વેતવસ્ત્રો મહાદીપ્તસ્ત્રિનેત્રો ગણનાયકઃ ॥

અક્ષમાલાં ચ દન્તં ચ ગૃહ્ણન્ વૈ દક્ષિણે કરે ।
પરશું મોદકપાત્રં ચ વામહસ્તે વિધારયન્ ॥

નાનાપુષ્પરતો દેવો નાનાગન્ધાનુલેપનઃ ।
નાગયજ્ઞોપવીતાઙ્ગો નાનાવિધ્નવિનાશનઃ ॥

દેવાસુરમનુષ્યાણાં સિદ્ધગન્ધર્વવન્દિતમ્ ।
ત્રૈલોક્યવિધ્નહર્તારમાખ્વારૂઢં નમામ્યહમ્ ॥

સુમુખશ્ચૈકદન્તશ્ચ કપિલો ગજકર્ણકઃ ।
લમ્બોદરશ્ચ વિકટો વિધ્નરાજો વિનાયકઃ ॥

ધૂમ્રકેતુર્ગણાધ્યક્ષો ભાલચન્દ્રો ગજાનનઃ ।
વક્રતુણ્ડઃ શૂર્પકર્ણો હેરમ્બઃ સ્કન્દપૂર્વજઃ ॥

ષોડશૈતાનિ નામાનિ યઃ પઠેચ્છુણુયાદપિ ।
વિદ્યારમ્ભે વિવાહે ચ પ્રવેશે નિર્ગમે તથા ॥

સંગ્રામે સંકટે ચૈવ વિધ્નસ્તસ્ય ન જાયતે ।
વિધ્નવલ્લીકુઠારાય ગણાધિપતયે નમઃ ॥