108 Buddhist stotras · અધ્યાય 22

જાતિં બોધિં પ્રબલમતુલં ધર્મચક્રમરણ્યે ચૈત્યે ચાર્યં ત્રિભુવનનમિતં શ્રીમતં પ્રાતિહાર્યમ્ ।
સ્થાને ચૈત્યે ગિરિનગરનિભે દેવદેવાવતારં વન્દે ભક્ત્યા પ્રણમિતશિરસા નિર્વૃતા યેન બુદ્ધાઃ ॥

વૈશાલ્યાં ધર્મચક્રે પ્રથિતજિનવરે પર્વતે ગૃધ્રકૂટે શ્રાવસ્ત્યાં લુમ્બિકાયાં કુશિનગરવરે કાપિલાખ્યે ચ સ્થાને ।
કૌશલ્યાં સ્થૂલકૂટે મધુરવરપુરે નન્દગોપાસરાતે યે ચાન્યે ધાતુચૈત્યા દશબલબલિતા તાન્ નમસ્યામિ બુદ્ધાન્ ॥

કૈલાશે હેમકૂટે હિમવતિ નિલયે મન્દરે મેરૂશૃઙ્ગે પાતાલે વૈજયન્તે ધનપતિનિલયે સિદ્ધગન્ધર્વલોકે ।
બ્રહ્માણ્ડે વિષ્ણુભૂમ્યાં પશુપતિનગરે ચન્દ્રસૂર્યાતિરેકે યે ચાન્યે ધાતુચૈત્યા દશબલવલિતા તાન્ નમસ્યામિ બુદ્ધાન્ ॥

કાશ્મીરે ચીનદેશે ખસતવરપુરે બલ્કલે સિંહલે વા રાતાદ્યે સિંહપોટે સતતમવિરતં વલ્લખે કાપિલાખ્યે ।
નેપાલે કામરૂપે કુવસવરપુરે કાન્તિશોભાસરાતે યે ચાન્યે ધાતુચૈત્યા દશબલવલિતા તાન્ નમસ્યામિ બુદ્ધાન્ ॥

યે ચ સ્યુર્ધાતુગર્ભા દશબલતનુજાઃ કુમ્ભસંજ્ઞાશ્ચ ચૈત્યાઃ અઙ્ગારાઃ ક્ષારસ્થાને હિમરજતનુમાસ્તૂપરત્નપ્રકાશમ્ ।
પાતાલે યે ચ ભૂમ્યાં ગિરિશિખરગતા યે ચ વિત્તાઃ સમન્તાદ્ બુદ્ધાનાં યે ચ વિમ્બાઃ પ્રતિદિનસુકૃતસ્તાન્ નમસ્યામિ બુદ્ધાન્ ॥