108 Buddhist stotras · અધ્યાય 23

શ્રીહેરુકં મહાવીરં ચક્રસંવરસંવરમ્ ।
નમામિ મારજેતારં ડાકિનીજાલમા(ના)યકમ્ ॥

વન્દે તાં વજ્રવારાહીં મહારાગાનુરૂપિણીમ્ ।
ડાકિનીં ચ તથા લામાં ખણ્ડરોહાં ચ રૂપિણીમ્ ॥

ચત્વારો(ત્વરે ઽ)મૃતભાણ્ડાં ચ બોધિચિત્તેન પૂરિતામ્ ।
પુલ્લીરમલયશિરસિ પ્રચણ્ડાં વજ્રડાકિનીમ્ ॥

જાલન્ધરશિખાં ચૈવ ચણ્ડાક્ષીં ગતકિલ્વિષામ્ ।
ઓડિયાનાહ્વયે સર્વે શ્રોત્રે દેવીં પ્રભાવતીમ્ ॥

અર્બુદે પૃષ્ઠવંશે તુ મહાનાસાં નમામ્યહમ્ ।
ગોદાવરીં પુરે વામે કર્ણે વીરમતીં શુભામ્ ॥

રામેશ્વરીં ભ્રુવોર્મધ્યે ખર્વરીં વરવર્ણિનીમ્ ।
દેવીકોટ્ટે સ્થિતાં મૈત્રે શ્રીમલ્લઙ્કેશ્વરીપ્રભામ્ ॥

માલવે સ્કન્ધદેશે તુ દ્રુમચ્છાયાં નમામ્યહમ્ ।
કામરૂપે કક્ષદ્વયે દેવીમૈરાવતીં શુભામ્ ॥

ઓડ્રે સ્તનદ્વયે વાપિ શ્રીમહાભૈરવાં સતીમ્ ।
ત્રિશકુન્યાહ્વયે નાભૌ વાયુવેગાં મનોરમામ્ ॥

કોશલે નાસિકાગ્રે વા સુરાભક્ષીં નમામ્યહમ્ ।
કલિઙ્ગે વદને રમ્યે શ્યામાદેવીં સનાતનીમ્ ॥

લમ્પાકે કણ્ઠદેશે તુ સુભદ્રાં વરસુન્દરીમ્ ।
કાઞ્ચીપ્રેતહૃદયે હયકર્ણાં મનોરમામ્ ॥

હિમાલયે પુરે મેઢ્રે નમસ્યામિ ખગાનનામ્ ।
પ્રેતપુર્યાં તથા લિઙ્ગે કૌબેર્યાં શસ્યનીશ્વરીમ્ ॥

ગૃહદેવતા ગુદે સ્થાને ખણ્ડરોહાં મનોહરામ્ ।
સૌરાષ્ટ્રે ઊરુયુગલે શૌણ્ડિનો સુખદાયિનીમ્ ॥

સુવર્ણદ્વીપે જંઘાયાં સંસ્થિતાં ચક્રવર્મિણીમ્ ।
નગરે ચાઙ્ગુલીસ્થાને સુવીરાં વરયોગિનીમ્ ॥

સિન્ધૌ ચ પાદયોઃ પૃષ્ઠે સ્થિતાં દેવીં મહાબલામ્ ।
મરૌ ચાઙ્ગુષ્ઠયુગલે ચ સંસ્થિતાં ચક્રવર્તિનીમ્ ॥

કુલતાજાનુદ્વયે દેવીં મહાવીર્યા નમામ્યહમ્ ।
ખણ્ડકપાલવીરાદ્યાં સ્વપ્રજ્ઞાશિષ્ટવિગ્રહામ્ ॥

મમ ભક્ત્યા મહાવીરાં કાયવાકચિત્તચક્રગામ્ ।
કાકતુણ્ડીમુલૂકાસ્યાં શ્વાનાસ્યાં શૂકરાનનામ્ ॥

યમદાઢીં યમદૂતીં યમદંષ્ટ્રીં યમાન્તિકામ્ ।
એતા દેવીર્નમસ્યામિ દિગ્વિદિક્ષુ ચ સંસ્થિતાઃ ॥

વીરવીરેશ્વરીનાથં હેરુકં પરમેશ્વરમ્ ।
સ્તુત્વેદં દેવતીચક્રં યન્મયોપાર્જિતં શુભમ્ ॥
તેન પુણ્યેન લોકો ઽસ્તુ વજ્રડાકો જગદ્ગુરુઃ ॥