108 Buddhist stotras · અધ્યાય 21

નમો ઽસ્તુ બુદ્ધાય વિશુદ્ધબોધયે વિશુદ્ધધર્મપ્રતિભાસબુદ્ધયે ।
સદ્ધર્મપુણ્યોપગતાનુબુદ્ધયે ભવાગ્રશૂન્યાય વિશુદ્ધબુદ્ધયે ॥

અહો અહો બુદ્ધમનન્તતેજસં અહો અહો સાગરમેરુગુલ્મમ્ ।
અહો અહો બુદ્ધમનન્તગોચરમ્ ઔદુમ્બરં પુષ્પમિવાતિદુર્લભમ્ ॥

અહો મહાકારુણિકસ્તથાગતઃ અહો અહો શાક્યકુલસ્ય કેતુઃ ।
અહો પ્રણમ્યઃ સ નરેન્દ્રસૂર્યો યેનેદૃશં ભાષિતસૂત્રમુત્તમમ્ ॥

અનુગ્રહાર્થં સ હિ સર્વસત્ત્વાન્ સદ્ધર્મચર્યામુપદિશ્ય નૂનમ્ ।
શાન્તેશ્વરઃ શાક્યમુનિસ્તથાગતઃ સત્ત્વોત્તમઃ શાન્તપુરં પ્રવિષ્ટઃ ॥

ગમ્ભીરશાન્તં વિરજાસમાધિપદં પ્રવિષ્ટે જિનબુદ્ધગોચરે ।
શૂન્યાશ્ચ કાયાસ્ત્વથ શ્રાવકાણાં શૂન્યા વિહારા દ્વિપદોત્તમાનામ્ ॥

તે સર્વધર્મા પ્રકૃતિશ્ચ શૂન્યા સત્ત્વા હિ શૂન્યા નહિ જાતુ વિદ્યતે ॥

નિત્યં ચ નિત્યં ચ જિનં સ્મરામિ નિત્યં ચ શોચામિ જિનસ્ય દર્શનમ્ ।
નિત્યં ચ નિત્યં પ્રણિધિં કરોમિ સંબુદ્ધપૂજ્યસ્ય ચ દર્શનાર્થમ્ ॥

સ્થાપ્યેહ નિત્યં ધરણીષુ જાનુ શોકાભિતપ્તો જિનદર્શનાય ।
ઓદન્તકારુણ્યવિનાયકસ્ત્વમતીવ તૃષ્ણા સુગતસ્ય દર્શને ॥

સતાં વરો યદ્વિજહાર નિત્યં દદાહિ મે દર્શનતોયશીતલમ્ ।
સત્ત્વાઃ સતૃષ્ણાસ્તવ રૂપદર્શને પ્રહ્લાદયૈનાન્ કરુણાજલેન ॥

કારુણ્યભાવં કુરુ નાથ નાયક દદાહિ મે દર્શનં સૌમ્યરૂપમ્ ।
ત્વં પાહિ ત્રાતર્જગદેકદેશિતા શૂન્યાશ્ચ કાયાસ્ત્વથ શ્રાવકાણામ્ ॥

આકાશતુલ્યા ગગનસ્વભાવા માયામરીચ્યોદકચન્દ્રકાયાઃ ।
સર્વે ચ સત્ત્વાઃ સુખિતસ્વભાવા ભવન્તુ ભો નાયક ત્વત્પ્રસાદાત્ ॥