108 Buddhist stotras · અધ્યાય 20

યઃ પૂર્વં બોધિમૂલે રવિગમનપથે મારગાન્નૃત્યગીતાન્ ગંગૌ ગંગૌ ગગંગૌ ઘઘનઘનમૃદુદ્વન્દ્વમન્ત્રૈરજસ્રૈઃ ।
યઃ સ્ત્રીભિર્દિવ્યરૂપૈરુપરતરભિતું દૂદુભિર્દુર્ભિદૂર્ભિઃ ક્ષોભં નૈવાભિયાતઃ સુરનરનમિતઃ પાતુ વઃ શાક્યસિંહઃ ॥

યઃ કન્દર્પાઙ્ગનાનાં કકહકહકહા હાહહેતિ પ્રહાસૈ ર્યઃ સ્ફીતાડમ્બરાણાં તટિતિ તટતટા તાતટીતિ પ્રલાપૈઃ ।
કુત્કુદ્ બુદ્બુદ્ કુકૂચિત્ કુકુહકુહકુહૈઃ કિઙ્કરાણાં ચ વાગ્ભિ ર્નો ત્રસ્યઃ સો ઽસ્તુ સૌમ્યઃ શ્રુતસકલમલઃ શાન્તયે વો મુનીન્દ્રઃ ॥

ભ્રૂક્ષેપાપાઙ્ગભઙ્ગૈઃ સ્મરશરવિલસત્પક્ષ્મતારાક્ષિપાતૈ પ્રૌઢાનઙ્ગાઙ્ગનાનાં લલિતભુજલતાલાસ્યલીલાયિતાઙ્ગૈઃ ।
સવ્રીડૈઃ સસ્મિતોક્તૈઃ કલમૃદુમધુરામોદરમ્યૈર્વચોભિ ર્ભ્રાન્તિં ચેતો ન ચિત્રં સ્મરબલજયિનો યસ્ય તસ્મૈ નમો ઽસ્તુ ॥

ઉર્વીં સઞ્ચાલયન્તઃ ખરશરનિકરૈશ્છાદયન્તોઃન્તરીક્ષં જ્વાલાભિઃ ક્રોધંવહ્નેર્જ્વલિતદશદિશઃ ક્ષોભયન્તો ઽમ્બુરાશિમ્ ।
હેલોત્ખાતાસિચક્રક્રકચપટુરવારાવિણો મારવીરાઃ મૈત્રીશસ્ત્રેણ યેન પ્રસભમભિજિતાઃ પાતુ વઃ સો મુનીન્દ્રઃ ॥

વિસ્ફૂર્જજ્જાતકોપપ્રકટિતવિકટાટોપનિર્ઘોષઘોરં ગર્જજ્જીમૂતજાલપ્રકટગજઘટાટોપબદ્ધાન્ધકારમ્ ।
કન્દર્પોદ્દામવહ્નિસ્ફુરદસિકિરણોદ્ભાસિતાશેષવિશ્વં પુષ્પેષોઃ સૈન્યમુચ્ચૈર્ઝટિતિ વિઘટિતં યેન બુદ્ધઃ સ વો ઽવ્યાત્ ॥

દિવ્યૈરાકણંપૂરૈઃ કમલદલનિભૈઃ પક્ષ્મલૈર્લોલતારૈર્ ભાવસ્નિગ્ધૈર્વિદગ્ધૈઃ પ્રચલિતલલિતૈઃ સસ્મિતૈર્ભ્રૂવિલાસૈઃ ।
નેત્રૈર્મારાઙ્ગનાનાં પરિગતવલયૈર્લોહિતાન્તૈરશાન્તૈર્ નાકૃષ્ટઃ સર્વથા યસ્તમહમૃષિવરં વાન્તદોષં નમામિ ॥

નોદ્ભ્રાન્તં યસ્ય ચિત્તં સ્ફુટવિકટસટાન્તોત્કટૈર્લોલજિહ્વૈર્ મારૈઃ શૂલાગ્રહસ્તૈર્ગજતુરગમુખૈઃ સિંહશાર્દૂલવક્ત્રૈઃ ।
પ્રદ્યુમ્નઃ કામદેવસ્તૃણવદગણિતો યેન સંરમ્ભભીરુઃ સંબુદ્ધઃ પાતુ યુષ્માન્ વ્યપગતકલુષો લોકનાથો મુનીન્દ્રઃ ॥

અક્ષોભ્યા યસ્ય બુદ્ધિર્ધરણિનગનદીસાગરામ્ભોધરદ્ભિર્ ગર્જદ્ભિર્મારવીરૈર્વિવિધમુખશતૈર્ઘોરરૂપૈરનન્તૈઃ ।
યેનાસૌ પુષ્પકેતુસ્તૃણવદગણિતઃ સર્વવિદ્ વીતરાગઃ સ શ્રીમાન્ બુદ્ધવીરઃ કલુષભયહરઃ પાતુ વો વીતરાગઃ ॥

મારાનીકૈર્મહોગ્રૈરસિપરશુધનુઃશક્તિશૂલાગ્રહસ્તૈર્ ઉલ્કાપાતૈરનેકૈર્ગહનપટુરવૈર્ભીષણૈર્ભીમનાદૈઃ ।
ન ક્ષુબ્ધં યસ્ય ચિત્તં ગિરિસમમચલં ગાઢપર્યઙ્કબન્ધં તં વન્દે વન્દનીયં ત્રિભવભયહરં બુદ્ધવીરં પ્રવીરમ્ ॥

ઉચ્ચૈરટ્ટાટ્ટહાસૈઃ પ્રકટપટુભટાબદ્ધઘણ્ટૈ રણદ્ભિઃ સાટોપાસ્ફોટટઙ્કસ્ફુટજટિલજટૈઃ કિઙ્કરૈઃ કોટરાક્ષૈઃ ।
ભગ્નં કર્તુ ન શક્તાઃ પટુપટહપટસ્ફાલનૈર્યસ્ય બોધૌ દૃપ્તાનાં ગૃધ્રકૂટે પટુપટહપટુઃ સો ઽસ્તુ વો બુદ્ધવીરઃ ॥

કોકણ્ડં રામકણ્ડં પ્રતિભયકુહરં દર્પદર્પં રણાણ્ડં ડિમ્બં ડિમ્બં ડડિમ્બં ડુહ ડુહક ડુહં તૃંખલસ્તૃંખલસ્તૃમ્ ।
ઝિમ્બં ઝિમ્બં ઝઝિમ્બં ખમુ ખમુ ખમુખં મંખુ મંખુઃ ખુમંખુર્ એભિર્ધ્વાનૈર્ન ભીતઃ સુરવરનમિતઃ પાતુ વઃ શાક્યસિંહઃ ॥

યં મારાઙ્ગારધારાધરસમયસમારમ્ભસંરમ્ભયુક્તં નક્તં મારાઙ્ગનાનાં મુખકમલવનશ્રીવિપક્ષૈકપક્ષા ।
સમ્યક્સંબોધિલક્ષ્મીઃ શશિનમિવ શરત્કૌમુદી સંપ્રપેદે તસ્યેયં ધર્મદૂતી ધ્વનતિ ભગવતો ધર્મરાજસ્ય ગણ્ડી ॥

નિઘ્નન્નપ્રાપ્તદૃષ્ટિઃ ક્ષણમપિ ચ ચિરાદન્તકો યદ્ દુરન્તં તસ્મિન્નિક્ષિપ્તચિત્તાઃ કુરુત સુચરિતેષ્વાદરં સર્વકાલે ।
ઇત્થં રત્નત્રયાજ્ઞામિવ વદતિ મુહુઃ પ્રાણિનાં યસ્ય સૈષામ્ એષા શબ્દાયમાના પ્રથિતમુખરદિઙ્મણ્ડલા ધર્મગણ્ડી ॥

માર્તણ્ડમણ્ડલમિવોડુગણં વિજિત્ય ભાતીહ તીર્થિકજનં જિનશાસનં ચ ।
રંરમ્યતે ધરણિમણ્ડલમણ્ડનસ્ય ગણ્ડી યમસ્ય જયડિણ્ડિમવત્પ્રચણ્ડા ॥

યસ્યાત્યન્તં દૃઢત્વં જમિ જમિ ડુડુભં રઞ્જિતેનાલિનાલિં ડિમ્બં ડિમ્બં ડિડિમ્બં ડુભડુભડુડુભં નાડિવન્નાડિભણ્ડમ્ ।
રુણ્ડં રુણ્ડં રુરુણ્ડં યરલવ ખખુમં મંખુમંખુઃ ખુમંખુઃ પશ્ય ત્વં જીવલોકે દશબલબલિનઃ પીડ્યતે મારસૈન્યમ્ ॥

ભૂકમ્પોત્કમ્પજાતા પ્રચલિતવસુધા કમ્પતે મેરુરાજ ઉત્ત્રસ્તા દેવસંઘા ગ્રહગણસહિતા નાગરાજાઃ સમસ્તાઃ ।
શ્રુત્વા ગણ્ડીં પ્રચણ્ડાં વિવિધભયકરીં ત્રાસનીં તૈર્થિકાનાં બૌદ્ધાનાં શાન્તિહેતોઃ પ્રતિરણતિ મહીં રાવયન્તીવ સદ્યઃ ॥

એષા વિહારશિખરે પ્રવિરૌતિ ગણ્ડી મેઘસ્વનેન કુરુતે ચ મનોજ્ઞઘોષાન્ ।
માતેવ વત્સલતયા સુબહિર્ગતાંશ્ચ પુત્રાન્ સમાહ્વયતિ ભોજનકાલગણ્ડી ॥

સંસારચક્રપરિવર્તનતત્પરસ્ય બુદ્ધસ્ય સર્વગુણરત્નવિભૂષિતસ્ય ।
નાદં કરોતિ સુરદુન્દુભિતુલ્યઘોષા ગણ્ડી સમસ્તદુરિતાનિ નિવારયન્તી ॥

એષા હિ ગણ્ડી રણતે નરાણાં સંબોધિની દેવનરાસુરાણામ્ ।
ભદ્રાઃ શૃણુધ્વં સુગતસ્ય ગણ્ડીમાપૂરિતાં ભિક્ષુગણૈઃ સમગ્રૈઃ ॥

નાગૈઃ સંવર્તકાલક્ષુભિતજલધરાકારવદ્ વ્યોમ્નિ કીર્ણૈઃ ક્વાસ્મિન્ વિઘ્વંસશઙ્કા ભયચકિતજનૈસ્તત્પ્રતીકારહેતોઃ ।
કુર્વન્ત્યદ્યાપિ યસ્યા ધ્વનિમુપશમિતાશેષતીર્થ્યાવલેપં સા ગણ્ડી પાતુ યુષ્માન્ સકલમુનિવરૈઃ સ્થાપિતા ધર્મવૃદ્ધ્યૈ ॥

એષા સુરાસુરમહોરગસત્કૃતસ્ય શાન્તિં પરામુપગતસ્ય તથાગતસ્ય ।
ગણ્ડી રણત્યમરદુન્દુભિતુલ્યઘોષાન્ કૃત્વાન્યતીર્થ્યહૃદયાનિ વિદારયન્તી ॥

પુણ્યે તત્પરમાનસા ભવત ભોઃ સ્વર્ગાપવર્ગપ્રદે પાપં દુર્ગતિદાયકં કુરુત મા લોકાશ્ચલં જીવિતમ્ ।
ઇત્થં મધ્યવિલીનભૃઙ્ગવિરુતં યત્નાન્નિવાર્યં મયા મારારેશ્ચરણાબ્જયોર્વિનિહિતઃ પુષ્પાઞ્જલિઃ પાતુ વઃ ॥

મુઞ્જદ્ભિઃ કુસુમાનિ તૂર્યરણિતૈરાપૂરયદ્ભિર્દિશો જોજોકારપુરઃસરૈઃ સુરગણૈઃ શક્રાદિભિઃ સાદરૈઃ ।
સ્વર્ગાદ્ યસ્ય ભુવં કિલાવતરતો દત્તાનુયાત્રા ચિરં તસ્યાવ્યાત્ કરુણાનિધેર્ભગવતો ગણ્ડી પ્રચણ્ડા જગત્ ॥

ગત્વા સપ્ત પદાનિ માતુરુદરાન્નિષ્ક્રાન્તમાત્રઃ સ્વયં સંસારશ્રવસં મમેતિ વચનં પ્રોવાચ યો ઽનન્યધીઃ ।
યસ્મિન્નાત્મભુવે પુનસ્ત્રિભુવનં ભ્રાજિષ્ણ્વભિવ્યાહૃતં કુર્યાદ્વઃ સુગતસ્ય તસ્ય જયિનો ગણ્ડી તમઃખણ્ડિની ॥

જિત્વા મારબલં મહાભયકરં કૃત્વા ચ દોષક્ષયં સર્વજ્ઞં પદમાપ યત્ સુરુચિરં તત્રૈવ રાત્રૌ બહિઃ ।
તસ્યાશેષગુણાકરસ્ય સુધિયો બુદ્ધસ્ય શુદ્ધાત્મનો ગણ્ડી ખણ્ડિતચણ્ડકિલ્વિષહરા ભૂયાદ્ વિભૂત્યૈ નૃણામ્ ॥

બ્રહ્મા જિહ્મ ઇવાભવત્ સુરગુરુર્ગર્વં જહૌ સર્વથા શર્વઃ ખર્વમતિર્બભૂવ ભગવાન્ વિષ્ણુશ્ચ તૂષ્ણીં સ્થિતઃ ।
ઇત્થં યદ્ગુણકીર્તનેષુ વિબુધા યાતા હ્રિયા મૂકતાં ગણ્ડી તસ્ય મુનેરિયં જયતિ વઃ પાયાદપાયાજ્જગત્ ॥

બ્રહ્માદિત્યશશાઙ્કશઙ્કરશતાક્ષોપેન્દ્રયક્ષાદયો ગન્ધર્વોરગકિન્નરાસુરસમીરપ્રેતપીડામ્બરાઃ ।
યે તિષ્ઠન્ત્યમરા નરા ક્ષિતિતલે પાતાલલોકેષુ ચ શ્રોતું ધર્મમિમં તથાગતગુરોઃ સર્વે સમાયાન્તુ તે ॥

યસ્યા જન્મનિ દીનહીનમતયઃ પ્રાપુઃ શુચં તીર્થિકાઃ હર્ષોત્કર્ષવિશેષવર્ધિતધિયો બૌદ્ધા ધૃતિં લેભિરે ।
યામાસાદ્ય ગુણાઃ પ્રયાન્તિ વિતતિં દોષા વ્રજન્તિ ક્ષયં સા ગણ્ડી કલિકાલકલ્મષહરા ભૂયાદ્ ભવદ્ભૂતયે ॥

યાં નત્વા વિધિવદ્ વિશુદ્ધમતયો ગચ્છન્તિ તુઙ્ગાં ગતિં યસ્યાઃ ક્ષિપ્રતરં પ્રયાન્તિ વિવશાઃ સર્વે વિપક્ષાઃ ક્ષયમ્ ।
ધ્વસ્તવ્યસ્તસમસ્તમોહપટલા સા ધર્મગણ્ડી મુનેઃ સંભૂયાદ્ ભવભાવિસાધ્વસભિદે યુષ્માકમાયુષ્મતામ્ ॥

શ્રુત્વા યાં પતિતા મહીતલમલં બ્રહ્માદયઃ સ્વર્ભુવઃ કમ્પન્તે ધરણીધરાઃ ક્ષિતિરપિ ક્ષિપ્રં ગતા ક્ષ્માતલમ્ ।
તીર્થ્યાનાં ભયકારિણી પરહિતાયારમ્ભશુદ્ધાત્મનાં બૌદ્ધાનામુપશાન્તયે સપદિ સા સંતાડ્યતાં ગણ્ડિકા ॥

પ્રૌઢાલીઢાભિરુઢો ગુરુતરચરણક્રાન્તગૌરીસ્તનાગ્રં સર્વજ્ઞસ્યોત્તરાઙ્ગં સ્ફુટવિકટશતા ગર્જયન્ વજ્રમુખ્યા ।
જ્વાલામાલોજ્જ્વલાઙ્ગં ત્રિભુવનવિવરવ્યાપ્તહુંકારભીમો બદ્ધવ્યાબદ્ધમૌલિર્જયતિ સુરનરાદિત્યચન્દ્રાસુરેન્દ્રઃ ॥

પીનોત્તુઙ્ગસ્તનીનાં હરિણદૃશદૃશાં હંસલીલાગતીનાં દં દં દં દં દ દં દં તનિ તનિ તનિતસ્તાલિકા કામિનીનામ્ ।
તું તું તું તું તતું તું નકટિનમભિતો ગીતિતો ગીતવાદ્યૈઃ ટું ટું ટું ટું ટુટું ટું ટુમિતિ મિતનતા હન્યતે ગણ્ડિકેયમ્ ॥