108 Buddhist stotras · અધ્યાય 13

ભુવનત્રયવન્દિતલોકગુરુમ્ અમરાધિપતિસ્તુતબ્રહ્મવરમ્ ।
મુનિરાજવરં દ્યુતિસિદ્ધિકરં પ્રણમામ્યવલોકિતનામધરમ્ ॥

સુગતાત્મજરુપસુરુપધરં બહુલક્ષણભૂષિતદેહવરમ્ ।
અમિતાભતથાગતમૌલિધરં કનકાબ્જવિભૂષિતવામકરમ્ ॥

કુટિલામલપિઙ્ગલધૂમ્રજટં શશિબિમ્બસમુજ્જ્વલપૂર્ણમુખમ્ ।
કમલાયતલોચનચારુવરં હિમખણ્ડવિપાણ્ડુરગણ્ડયુગમ્ ॥

અધરં જિતપઙ્કજનાભિસમં શરદમ્બુદગર્જિતમેઘરુતમ્ ।
બહુરત્નવિભૂષિતબાહુયુગં તનુકોમલશાદ્વલપાણિતલમ્ ॥

મૃગચર્મવિવેષ્ટિતવામતનું શુભકુણ્ડલમણ્ડિતલોલધરમ્ ।
વિમલં કમલોદરનાભિતલં મણિમણ્ડિતમેખલહેમવરમ્ ॥

કટિવેષ્ટિતચિત્રસુવસ્ત્રધરં જિનબોધિમહોદધિપારગતમ્ ।
બહુપુણ્યમુપાર્જિતલબ્ધવરં જ્વરવ્યાધિહરં બહુસૌખ્યકરમ્ ॥

શુભશાન્તિકરં ત્રિભવાસ્યકરં સચરં ખચરં સ્તુતિદેહધરમ્ ।
વિવિધાકુલનિર્જિતમારબલં દશપારમિતાપરમાર્થકરમ્ ॥

ચતુરસ્રવિહારવિવેકપરં તથતાદ્વયબોધવિબોધકરમ્ ।
મણિનૂપુરગર્જિતપાદયુગં ગજમન્દવિલમ્બિતહંસગતિમ્ ॥

પરિપૂર્ણમહામૃતલબ્ધધૃતિં ક્ષીરોદજલાર્ણવનિત્યગતિમ્ ।
શ્રીપોતલકાભિનિવાસરતિં કરુણામયનિર્મલચારુદૃશમ્ ॥