108 Buddhist stotras · અધ્યાય 12

સ્તુત્વા ગુણૈરનુપમૈરનુબિન્દુપાત્રં સ્તોત્રં મયા કૃતમિદં જડવાલિશેન ।
લોકેશ્વરં ગુણનિધિં ગુણસાગરં ચ નિત્યં નમામિ શિરસાઞ્જલિસંપુટેન ॥

પ્રાણેષુ યન્ સ્રવતિ યેન રસામ્બુપારાન્ ક્ષુત્તૃષ્ણદુઃખપરિપીડિતસર્વસત્ત્વાન્ ।
એવંવિધં જગદિદં પરિપાલનાય તસ્મૈ નમો ઽસ્તુ સતતં હિ યથાર્થનામ્ને ॥

સત્કુઙ્કુમાત્તમરુણાઙ્કસમાનવર્ણં દ્વાત્રિંશલક્ષણવિભૂષિતગાત્રશોભમ્ ।
સર્વેષુ યસ્ય કરુણામયવત્સલત્વં તસ્મૈ નમામિ ભવતે કરુણામયાય ॥

સંસારસાગરમહાલયનાશદક્ષ એકસ્ત્વમેવ શરણં ભુવિ નૈકનાથ ।
કેનાપિ ત્વદ્ગુણગણા ગણને ન શક્યાસ્તં લોકનાથમવલોકિતનામસંજ્ઞમ્ ॥

નાનાવિધાભરણમણ્ડિતદિવ્યરુપં બાલેન્દુલગ્નજટભૂષિતલોકનાથમ્ ।
વામે ચ મણ્ડલધરં વરદં ચ સવ્યે ત્વાં લોકનાથ શરણં પ્રવ્રજામિ નિત્યમ્ ॥

બ્રહ્માદિભિઃ પરિવૃતં સુરસિદ્ધસંઘૈર્ગન્ધર્વકિન્નરમહોરગનાગયક્ષૈઃ ।
નાથસ્ય યસ્ય ભવતશ્ચરણામ્બુજં ચ તં લોકનાથચરણં શરણં વ્રજામિ ॥

ભૂતૈઃ પિશાચગરુડોરગરાક્ષસીભિઃ કુમ્ભાણ્ડપૂતનમહલ્લકરાજરાજૈઃ ।
વૈશ્વાનરાસુરશતૈઃ પરિવારભૂતં તં લોકનાથચરણં શરણં ગતો ઽસ્મિ ॥

અબ્ધિર્દિવાકરકરૈર્નહિ શોષમેતિ તદ્વત્કવીશ્વરશતૈર્ગુણસાગરસ્તે ।
લોકેશ્વર પ્રથિતકીર્તિનિધાનભૂતો ન ક્ષીયતે ગુણનિધિર્ગુણસાગરસ્ય ॥

શ્લોકાષ્ટકં પ્રતિદિનં ખલુ યે પઠન્તિ તે પ્રાપ્નુવન્તિ સહસા ધનપુત્રમોક્ષાન્ ।
કુષ્ઠાદિરોગનિકરં ક્ષમતાં પ્રયાતિ વન્દામહે ચ નિતરાં તવ પાદયુગ્મે ॥