108 Buddhist stotras · અધ્યાય 10

આરાધિતો ઽસિ ભુજગાસુરલોકસંઘૈર્ગન્ધર્વયક્ષમુનિભિઃ પરિવન્દિતાય ।
દ્વાત્રિંશદાદિવરલક્ષણભૂષિતાય નિત્યં નમામિ શિરસા કરુણામયાય ॥

બાલાર્કકોટિસમતેજકલેવરાય આલોકિતે સુગતશેખરધારિતાય ।
શુભ્રાંશુમૌલિતિલકાય જટધરાય નિત્યં નમામિ શિરસા કરુણામયાય ॥

અમ્ભોજપાણિકમલાસનસંસ્થિતાય યજ્ઞોપવીતફણિરાજસુમણ્ડિતાય ।
રત્નાદિહારકનકોજ્જ્વલભૂષિતાય નિત્યં નમામિ શિરસા કરુણામયાય ॥

ઉત્પાદભઙ્ગભવસાગરતારકાય દુર્ગ્રાહદુર્ગતિભુવાં પરિમોચકાય ।
રાગાદિદોષપરિમુક્ત સુનિર્મલાય નિત્યં નમામિ શિરસા કરુણામયાય ॥

મૈત્ર્યાદિભિશ્ચતુરબ્રહ્મવિહારણાય ધારામૃતૈઃ સકલસત્ત્વસુપોષણાય ।
મોહાન્ધકારકૃતદોષવિદારણાય નિત્યં નમામિ શિરસા કરુણામયાય ॥

દૈત્યેન્દ્રવંશવલિતારણમોક્ષદાય સત્ત્વોપકારત્વરિતકૃતનિશ્ચયાય ।
સર્વજ્ઞજ્ઞાનપરિપૂરિતદેશનાય નિત્યં નમામિ શિરસા કરુણામયાય ॥

અષ્ટાદશનરકમાર્ગવિશોધનાય અજ્ઞાનગાઢતિમિરપરિધ્વંસનાય ।
જ્ઞાનૈકદૃષ્ટિવ્યવલોકિતમોક્ષદાય નિત્યં નમામિ શિરસા કરુણામયાય ॥

ત્વં લોકનાથ ભુવનેશ્વર સુપ્રદાય દારિદ્રયદુઃખમયપઞ્જરદારણાય ।
ત્વત્પાદપઙ્કજયુગપ્રતિવન્દિતાય નિત્યં નમામિ શિરસા કરુણામયાય ॥

માર્તણ્ડમણ્ડલરુચિસ્તથતાસ્વભાવં ત્વાં નૌમ્યહઃ સુફલદઃ વિમલપ્રભાવમ્ ।
ચિન્તામણિં સુસદૃશં ત્વતિદુર્ભગો ઽહં નિત્યં નમામિ શિરસા કરુણામયાય ॥

યદ્ભક્તિતો દશનખાઞ્જલિસોત્તમાઙ્ગમષ્ટાઙ્ગકૈઃ પ્રણમિતં તવ પાદપદ્મ ।
દુઃખાર્ણવે પતિતમુદ્ધર માં કૃપાલો નિત્યં નમામિ શિરસા કરુણામયાય ॥

સપ્તાષ્ટભૂતગતમાધવશુક્લપક્ષે તારાપુનર્વસુ સહે ભૃગુસૂનુવારે ।
શ્રીક્રૌંચદારણતિથૌ ચ સ્તુતિં કરોમિ મે દેહિ વાઞ્છિતફલં ભુવનૈકનાથ ॥

યે પઠન્તિ મહાપુણ્યં પવિત્રં પાપનાશનમ્ ।
સર્વકામાર્થસિદ્ધિં ચ ગમિષ્યન્તિ સુખાવતીમ્ ॥