108 Buddhist stotras · અધ્યાય 103

ઓમ્ નમઃ શ્રી વજ્રયોગિન્યૈ, નમોબુદ્ધધર્મસંઘેભ્યઃ, નમો ગુરુબુદ્ધબોધિસત્ત્વેભ્યઃ, નમો લોચનાદિદશવજ્રવિલાસિનીભ્યઃ, નમો યમાન્તકાદિદશક્રોધવીરેભ્યઃ સપ્રજ્ઞેભ્યઃ ।
ઓમ્ ઓ આ હૂં ઇતિ કાયવાકચિત ઇન્દ્રિયવિજ્ઞાનાનિ, વાકચિત્તાનિ મનોવિજ્ઞાનાનિ, પરચિત્તજ્ઞાનાભિજ્ઞા, પરકાયપ્રવેશાભિજ્ઞા પુણ્ડરીકેષુ નાભિસ્થે રક્તસૂર્ય મણ્ડલઃ ॥

ધર્મોદયા પદ્મમધ્યે સિન્દૂરારુણરૂપિણી ।
ત્રિશૃઙ્ગા હિ ત્રિકોણા વા ચતુઃપીઠસમન્વિતા ॥

હ્રીંકારં મધ્યભાગે ઽસ્યાઃ પીતવર્ણઃ પ્રકીર્તિતઃ ।
તદ્ભવા પીતવર્ણા ચ અવધૂત્યા(તી) સ્વયં સ્થિતા ॥

લલનાયાં તુ સુશ્યામા રસનાયાં ચ ગૌરિકા ।
પ્રત્યાલીઢપદા નામ્ના મધ્યે પીતા મનોરમા ॥

ત્રિમાર્ગે સંસ્થિતા દેવી ત્રિકાયવજ્રયોગિની ।
સેયં નામ્ના ભવેદેકા સર્વસમ્બુદ્ધડાકિની ॥

ત્રૈલોક્યે દિવ્યરૂપા ચ સર્વાશાપરિપૂરિકા ।
સ્વકર્તિના કર્તિતં ચ વામહસ્તે સ્વમસ્તકમ્ ॥

દક્ષિણે ઽસ્યા સ્થિતા કર્તિર્જગતો દુઃખચ્છેદિની ।
અસ્યા વામે સ્થિતા શ્યામા નામ્ના સા વરવર્ણિની ॥

કર્પરઃ સવ્યહસ્તે ચ કર્તિર્વામે ચ સંસ્થિતા ।
દક્ષિણે ચૈવ પીતા વૈ વજ્રવૈરોચની સ્થિતા ॥

કર્તિકા દક્ષિણે હસ્તે વામે કપાલધારિણી ।
પ્રત્યાલીઢપદા દેવી નગ્નિકા તુ વિશેષતઃ ॥

કરૌ ચ દ્વૌ તયોઃ પાદૌ વિપરીતૌ તથા સ્થિતૌ ।
બુદ્ધાનાં જનની મધ્યા સમ્યક્સમ્બુદ્ધરૂપિણી ॥

અક્ષયા સુભગા નિત્યં હન્ત્રી ચ મૃત્યુજન્મનોઃ ।
ધર્મસંભોગનિર્માણમહાસુખસ્વરૂપિણી ॥

સેયં ત્રિભુવને દેવી રાજયે ચન્દ્રવત્સદા ।
કબન્ધાદવધૂત્યાશ્ચ પ્રવિશેત્સ્વમુખેષ્વસૃક્ ॥

લલનારસનાભ્યાં ચ નિઃસૃત્ય શિરસિ તથા ।
કરૂણારક્તરૂપેણ પિબન્તી સર્વશાન્તયે ॥

દુઃખં સંપ્રેક્ષ્ય લોકાનાં ચતુર્મારનિષૂદિની ।
દૌર્મનસ્યાદિ કર્ત્યા ચ કર્તન્તી સર્વમેવ તત્ ॥

સ્તુતા હિ જિનમાતસ્ત્વં સુપ્રસીદ ભવાર્ણવે ।
સ્વાર્થં કર્તું પરાર્થં ચ ભવામ્યહં યથા ક્ષમઃ ॥

તત્ત્વયા દેવી કર્તવ્યમનુગ્રહં મયિ સૃજ ।
બાલો ઽહમજ્ઞરૂપી ચ કાયવાકચિત્તદોષતઃ ॥

ગુરુભક્તિં ન જાને ઽહં ત્વદ્ભક્તિં ચ વિશેષતઃ ।
ઇત્યાકલય લોકેશિ કૃપા મયિ વિધીયતામ્ ॥

કાયવાકચેતસાં સામ્યં કુરુ મે ત્વં પ્રસાદતઃ ।
યેન મુઞ્ચામિ સંસારં ષડ્ગતિં ન વિશામ્યહમ્ ॥

યથા ચ વજ્રવદ્દેહો યાવન્મુક્તો ભવામ્યહમ્ ।
મારૈઃ સર્વૈઃ પરિત્યક્તો યથા કાયો ભવેન્મમ ॥

લીલયા સિદ્ધિભાગાઃ સ્યુર્નિર્વિઘ્નઃ સર્વસિદ્ધિભાક્ ।
સર્વસાધનસિદ્ધિ સ્યાત્ કાયશ્ચૈવાજરામરઃ ॥

ત્રાસનં સર્વમારાણાં સર્વાશાપરિપૂરણમ્ ।
દેહિ મે ત્વં વરાં સિદ્ધિં હિત્વા ચૈવ ગમાગમમ્ ॥

મનો વિલીયતાં દેવિ પઞ્ચેન્દ્રિયાનુસંયુતમ્ ।
સિદ્ધ્યેચ્ચ વજ્રસત્ત્વાયુર્યૌવનારોગ્યસત્સુખમ્ ॥

ત્વત્પ્રસાદાન્મહામુદ્રા સર્વેષામેવ સંભવેત્ ।
દેવાસુરમનુષ્યાશ્ચ યત્ર યત્ર ચ સંસ્થિતાઃ ।
સુખિનસ્તે ચ સર્વે સ્યુર્બુદ્ધત્વફલલાભિનઃ ॥