108 Buddhist stotras · અધ્યાય 104

પાદગુહ્યગુદનાભિહૃચ્છિરોધાતુમણ્ડલગમેરુપૃષ્ઠગમ્ ।
નાડિકાસમયવજ્રપદ્મગં ત્વાં નમામ્યુભયચિત્તહેરુકમ્ ॥

ગુહ્યકોકનદકર્ણિકાન્તરવ્યોમપઞ્ચકમહાનભઃસ્થિતમ્ ।
ધર્મધાતુતિલકાદ્વયાદ્વયં ત્વાં નમામિ સહજાત્મહેરુકમ્ ॥

કાલમેઘપટલાન્તરોચ્છલદવિદ્યુદુગ્રપટલાધિકત્વિષમ્ ।
સત્ત્વભાજનયુગપ્રદાહિકાં ત્વાં નમામિ જગદમ્બ હેરુકીમ્ ॥

નાભિચક્રકુહરામ્બુરાશિતો વજ્રવારિજસમાજસંભવામ્ ।
સૌધસારરસપાનલમ્પટાં ત્વાં નમામિ બડવાનલત્વિષમ્ ॥