108 Buddhist stotras · અધ્યાય 102

નટની રજકી બ્રાહ્મી કપાલિની ચ સાસ(શાશ્વ) તા ॥

અમૃતા ઽમૃતકુણ્ડલી ચ જ્ઞાનજ્યોતિઃપ્રકાશિકા ।
સર્વાશાવીરદેવીનામિયમેકા મહાસુખા ॥

શૂન્યતા ગીયતે ચાસૌ પરાશક્તિઃ પરાત્પરા ।
અમૃતોર્ધ્વમના દિવ્યા ઉપાયા નિત્યવાહિની ॥

ખેચરી ભૂચરી ચૈવ પાતાલવાસિની તથા ।
પ્રવિ(તિ)ષ્ઠાપૂરણી નિત્યં ત્રૈલોક્યક્ષોભતી(ભિણી) તથા ॥

બિન્દુનાદકલા દેવી ચન્દ્રસૂર્યાત્મિકા હિ સા ।
(નિત્યા) નૈર્માણિકી ચૈવ સંભાગી ચ મહાસુખા ॥

બિન્દુનાદકલાતીતા પ્રજ્ઞાપારમિતા મતા ।
સર્વભાવસ્વભાવા હિ સર્વભાવવિવર્જિતા ॥

પ્રલયોત્પત્તિહીના ચ પ્રલયોત્પત્તિકારિણી ।
શાશ્વતત્વાત્ સ્થિતા પ્રોક્તા શાશ્વતેન ચ વર્જિતા ॥

ગમ્ભીરાલિઙ્ગિતોદારા મહાર્થા સ્વધિમુક્તિકા ।
શૂન્યતાત્રયહીના ચ પ્રભાસ્વરસ્વરૂપિણી ॥

એકારાક્ષરરૂપા ચ વંકારાક્ષરસંગતા ।
વિચિત્રાદિક્ષણૈર્યુક્તા ચતુરાનન્દરૂપિણી ॥

બાહ્યમણ્ડલચક્રે ઽપિ સ્ફુરન્તી ચ ત્રિકાયતઃ ।
કાયવાકચિત્તભાવેષુ કાયવાકચિત્તભૂષણી ॥

અતીત્ય કાયવાકચિત્તૈઃ સમત્વેન ચ મધ્યગા ।
નૈરાત્મ્યરૂપિણી દેવી તથતાયાં પ્રતિષ્ઠિતા ॥

કમલકુલિશાક્રાન્તશૂન્યતાત્રયરૂપિણી ।
લલનારસનાયોગાદવધૂતી મહાસુખા ॥

સંસારતારણી ચૈષાં તથા તાસાં પ્રતીત્યજા ।
યાં લબ્ધ્વા યોગિનીં મુક્તા ભવસંસારબન્ધનાત્ ॥

ઇત્યેષા ઋદ્ધિદા પ્રોક્તા સિદ્ધિદા ચૈવ યોગિની ।
મોક્ષદ્વારપરા ચૈવ સતતાભ્યાસકારિણામ્ ॥

વજ્રવત્ કુરુતે દેહં રસસિદ્ધિં દદાતિ ચ ।
ગુરુપાદપ્રસાદેન લબ્ધેયં વજ્રયોગિની ॥

ય(એ) તસ્યાઃ પાઠમાત્રેણ પુણ્યસંભારમાદરાત્ ।
પ્રાપ્નોતિ સતતં યોગી જ્ઞાનસંભારસંભૃતઃ ॥